Advertisements

KOMUNIKADO DI KUERPO POLISIAL KÒRSOU Un detenshon pa maltrato.

KOMUNIKADO DI KUERPO POLISIAL KÒRSOU
246 / 2018
13 yüni 2018

Un detenshon pa maltrato.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 13 di yüni 2018, alrededor di 10.27 or di mainta, Sentral di Polis a dirigí un patruya na un kompania den área di Parera pa un kaso di maltrato.
Na yegada di e patruya na e sitio nan a topa ku un hòmber drumí abou den porta di e kompania ku un kap grandi na e parti ariba di su man drechi. For di un investigashon preliminar ku polis a hasi na e sitio a resultá ku dos hòmber trahadó di e kompania tabatin un diskushon ku otro. Dado momentu nan a kuminsá bringa i diripiente un di e hòmbernan aki a kue un hèrmènt di heru i a kuminsá maltratá e víktima kuné. Ambulans ku a presentá na e sitio a transportá e víktima pa poliklínika di SEHOS pa tratamentu médiko. Na e sitio polis a detené e hòmber sospechoso A.G.L. nasé na Kòrsou di 28 aña di edat, relashoná ku e maltrato ariba menshoná.
A presentá e sospechoso dilanti di un Fiskal Ouksiliar ku a ordená su enkarselamentu pendiente di mas investigashon.

Advertisements
%d bloggers like this: