Advertisements

KOMUNIKADO DI KUERPO POLISIAL KÒRSOU Detenshon pa violashon di Lei di Opio

KOMUNIKADO DI KUERPO POLISIAL KÒRSOU
247 / 2018
14 yüni 2018

Detenshon pa violashon di Lei di Opio.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 13 di yüni 2018, alrededor di 23.36 or, Sentral di Polis a risibí notifikashon ku durante kontròl un bewaker den área di Bapor Kibrá a haña un hòmber ku algun saku di plèstik chikí ku ta kontené suspstansiá paresido na droga den su poder.
Na yegada di e patruya na e sitio un di e bewakernan a deklará ku durante nan kontròl den e área menshoná, nan a mira un hòmber sospechoso. Na momento ku a bai na kontrolá e hòmber aki a hañ’è ku algun saku di plèstik ku droga aden i a pidi presensia di polis.
Na e sitio polis a hasi un investigashon i a haña i konfiská:
 4 saku chikí di plèstik ku mariwana mas dos sigaria di mariwana i
 un saku di plèstik ku supstansia paresido na kokaina;
Relashoná ku esaki polis a detené e hòmber:
 G.R.B. di 23 aña di edat; pa violashon di e Lei di Opio.
A presentá e sospechoso dilanti di un Fiskal Ouksiliar.

Advertisements
%d bloggers like this: