Advertisements

Komishon fiho di Hustisia di Parlamento ku bishita di trabou na Kustwacht (Warda Kosta).

Komishon fiho di Hustisia di Parlamento ku bishita di trabou na Kustwacht (Warda Kosta).

 

 

Willemstad- Den e kuadro pa tin mas aserkamentu, interkambio di informashon i asistensia di Parlamento, kaminda ta nesesario, den e kadena hudisial, dia 12 di yüni 2018 Komishon fiho di Hustisia di Parlamento a hasi un bishita di trabou na Kustwacht. E miembronan di Parlamento a interkambiá ku maneho di Kustwacht enkuanto e trabounan diario di Kustwacht. Temanan ku a bini dilanti durante e bishita di trabou aki tabata entre otro e vishon i mishon di Kustwacht, e area di trabou, e preparashon di personal di Kustwacht i tambe e retonan riba diferente tereno ku Kustwacht tin ku atendé kuné. Ademas e koperashon entre Kustwacht i e diferente organisashon den e kadena hudisial ku e meta pa tin resultadonan mas efisiente na fabor di nos komunidat tambe a keda debidamente asentuá. Plannan pa futuro tantu riba término korto, mediano i término largu tambe a bini na orden di dia. Un diálogo i interkambio sumamente informativo i fruktífero pa ámbos banda. Komishon ta gradesí Kustwacht pa nan disponibilidat i lo sigui duna un aporte kaminda ta nesesario pa hasi nos pais mas sigur.

Advertisements
%d bloggers like this: