Advertisements

Desaroyo Ekonomiko ta anfitrion di un konferensia tokante klima di invershon i di hasi negoshi den islanan ultra mar di Karibe esta LGO, “Enabling Business in the OCT’s”.

Awe i mañan Ministerio di Desaroyo Ekonomiko ta anfitrion di un konferensia tokante klima di invershon i di hasi negoshi den islanan ultra mar di Karibe esta LGO, “Enabling Business in the OCT’s”. Karibe tin 12 isla ku ta LGO of OCT’s (overseas countries and territories). 6 Hulandes (Kòrsou, Aruba, Bonaire, St. Maarten, Saba i St. Eustatius), 5 Ingles  (BVI, Turks and Caicos, Anguilla, Cayman Islands, Montserrat) i 1 Franses (St. Barths). E konferensia aki ta pa presentá resultadonan di un raport a base di un investigashon “Improving the Regulatory and Business for BSO’s Supporting SME’s in the Cairbbean OCT’s”, ku a keda hasi riba aspektonan ku ta influenshá kompetividat, “cost of doing business i klima di invershon i ambiente pa hasi negoshi pa nos empresarionan chikí.

E dos dianan aki representantenan di Gobiernu i sektor privá di e islanan ta bin huntu pa diskutí i yega na un plan di implementashon kon nos ta bai mehorá e prosesonan pa kuminsa un empresa, desaroyá proyektonan i fasilitamentu di invershon. E investigashon ta basá riba e metodologia di Doing Business di World Bank. Ela keda hasi pa empresario i konsultor lokal Tamira La Cruz di Markstra Consultants huntu ku Sr. Gilbert Addy for di Ghana. E investigashon a keda hasí bou di e programa di COSME ku ta un programa pa kapasitá empresarionan chikí, yuda gobiernunan ku desaroyo di maneho i organisashonan ku ta duna sosten i servisio na empresanan  i mediano i chikí. COSME a keda ehekutá e ultimo 4 añanan.  Durante di e enkuentro e paisnan presente ta presentá reformanan ku nan a implement pa eliminá red tape.

Durante di e dos dianan nos ta risibi informashon di region i tende di e islanan partisipante kiko nan ta hasiendo pa mehorá nan klima di invershon. E intenshon ta pa bini ku un implementashon i monitoring riba nivel regional (LGO eilanden). Nos ta spera asina di por kontribui na e inisiativanan pa yega na un Klima di Invershon i di hasi negoshi mas faborabel pa Kòrsou, di Red Tape, pa Red Carpet!

 

E programa COSME ta yega na su fin fin di September 2018.

Advertisements
%d bloggers like this: