Advertisements

Premionan kèsh, Ambiente den Red Village i euforia di Mundial ta ON! Rekargá bo telefon i gana premio tur siman den Digicel su kampaña pa Mundial

Premionan kèsh, Ambiente den Red Village i euforia di Mundial ta ON!

Rekargá bo telefon i gana premio tur siman den Digicel su kampaña pa Mundial

WILLEMSTAD:  Klaro, Digicel komo un proveedor di entretenimentu kompletu no por keda for di e espektákulo deportivo mas grandi na mundu. Siman pasá klientenan ya a kuminsa haña un aperitivo riba social media tokante Digicel su kampaña pa Mundial.  E kampaña, ku lo tin un durashon di 6 siman largu lo duna kliente premio tur siman, mas 3 premio grandi na final.

Premionan efektivo tur siman!

Na momentu ku klientenan rekargá nan telefon ku 10 florin òf mas nan lo risibí outomátikamente un lòt ku lo keda den wega te na final di e kampaña, hasiendo posibel ku e kliente ta multipliká su chèns di gana premio. Kuminsando dia 19 di yüni próksimo lo regalá 250 florin tur siman. Ademas di e premio semanal, Digicel lo regalá komo premio grandi di e kampaña 2,500 florin, un di dos premio di 1,000 florin i finalmente un terser premio di 500 florin. E ganadónan di e premionan lo wòrdu anunsiá dia 24 di yüli próksimo.

Rekargá i Gana!

Tuma nota ku e montante ku bo rekargá (Top-Up) den siman ta konta pa e siman ei. Por ehèmpel, si bo rekargá djaluna ku 5 florin i djarason ku 15 florin, ta nifiká ku e siman ei bo a rekargá ku 20 florin ku lo resultá den 2 lòt. Por partisipá dor di rekargá via My Digicel App, e mashinnan di Top-Up na Digicel Megastore i tambe na Digicel Brionplein òf via di e sistema di karchi. Klientenan ku tin postpaid tambe por partisipá, dor di paga nan resibu na tempu. Nan lòt tambe lo konta pa e rifa semanal i na final di e kampaña. *Kampaña bálido te ku dia 21 di yüli próksimo.

Fusions ta Digicel su Red Village

Pa selebrá Mundial, Digicel lo ta e ‘kas’ di Mundial den Fusions Restaurant & Bar ku pa 6 siman largu lo ta e Red Village ofresiendo 16 pantaya kortesia di OMNI, di manera ku por mira e weganan den tur skina . Lo transmití tur wega riba televishon HD, via konekshon di TRES, kual tambe ta un kompania di Digicel. Tur kliente ku bishitá Fusions durante di e weganan tin chèns di gana èkstra premio dor di ‘Spin The Wheel’.  Jorge Cuartas ta komentá ku a hasi hopi esfuerso pa ofresé Kòrsou un eksperensia úniko, e fanátiko lo sinti ku e ta mei mei den stadion durante kada wega. “Tin diferente pais ta partisipá den Mundial, nan tur tin hopi fanátiko na Kòrsou. Agregá e 16 pantayanan HD, mas tur e premionan ku bo por gana promé, durante i despues di kada wega i keremi lo bo tin un tremendo ambiente! Mi ta invitá tur hende djòin e Red Village i gosa di Mundial”.  E Red Village na Fusions lo ta habri for di 7’or di mainta pa 5:30PM tur atardi i lo transmití for di e promé- te último wega tur dia.

Advertisements
%d bloggers like this: