Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Gabinete Schotte na aña 2011 a aprobá maneho pa Kalidat di tur Produkto Petrolero konsumí dor di nos merkado lokal

Mirando e último desaroyonan i kehonan ku ta drentando tur dia over di e situashon di Gasolin di kalidat òf no nos ta konsidera importante pa informá medionan di Prensa un biaha mas ku for di 2011 Gobièrno a stipulá den un desishon di Gobièrno tur spesifikashon di komposishon di tur e “FUELS” (Mogas95,Kerosine Jet A-1, Low Sulphur Diesel, LPG, Gasoil HSD, MDF/MDO, Industrial Fuel Oil, MFO) nan ku nos merkado ta konsumí (e maatstaf a wòrdu stipulá kaba na 2011).

Tambe Gobièrno a stipulá kon e proseso di kontrol ta kana pa por garantisá ku na tur momento produktonan di kalidat i esnan aprobá dor di Gobièrno ta drenta merkado di konsumo.

Ku esaki nos Frakshon ke alerta ku kontrolanan nesesario mester a tuma luga kaba pa asina garantisá nos komunidat ku lokual a wòrdu importaá for di merkado internashonal ta kuadra ku e spesifikashon aprobá dor di Gobièrno na 2011.

Si despues di e kontrolanan aki stipulá dor di Gobièrno na 2011 ta garantisá ku e Mogas 95 importá resientemente i ku no a wòrdu kumpra for di badgenan rafiná dor di nos mes refineria i ta komponé konforme e mesun spesifikashonnan aprobá na 2011 no mester tin niun problema.

Pueblo mester ta trankil ku nada di kalidat inferior òf robes no ta drentando nan vehíkulo. Pero Si akaso despues di testnan di kontrol resulta ku tin deskrepansha ku lokual nos vehíkulonan normal ta kore riba dje e ora ey tin tur sentido di tin preokupashon.

Aworaki ta na Gobièrno soru pa e maneho di kontrol aki wòrdu implementá konforme desishon di Gobièrno i garantisá ku interes general ta sirbí dor di trese klaridat i kontrolnan tuma luga promé ku e delaster druppel disparse di e badge di Mogas 95 resientemente importá.

Saludos,

Eks Promé Minister di Kòrsou

i aktual Parlamentario pa MFK

Gerrit F. Schotte

 

Advertisements
error: Content is protected !!
%d bloggers like this: