Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

200 HÓBEN INVITÁ PA PARTISIPÁ NA E DI DOS EDISHON DI MUSICAL SEMINAR HÓBEN ÒN!

 

200 HÓBEN INVITÁ PA PARTISIPÁ NA E DI DOS EDISHON DI MUSICAL SEMINAR HÓBEN ÒN!

 

Willemstad – Mas o ménos 200 hóben a haña oportunidat pa partisipá djasabra 16 di yüni na e di dos edishon di e Musical Seminar Hóben Òn! E evento aki ta tuma lugá na Kurá di Arte di 4’or di atardi pa 8’or di anochi. Hóben Òn! ta un kolaborashon entre be.advancement i Youth Vision 5000. Pa e hóbennan invitá garantisá nan partisipashon na e evento aki nan mester entregá e formulario di registrashon na e persona di kontakto di nan organisashon òf skol (SKAI, Eligia Martier i Nilda Pinto) promé ku djaweps 14 di yüni awor.  

 

Hóben Òn!  ta konsistí di 4 fase i ta dirigí riba hóbennan entre 12 pa 21 aña spesialmente esnan ku no ta haña oportunidat pa eksperensiá i partisipá na tipo di programa manera esaki.

Fase 1 Workshop Soño i Talento: e tres skolnan menshoná a partisipá i Samenwerkende fondsen a pone fondo disponibel pa diferente organisashon ku ta traha ku hóben partisipá na e workshop e aña aki.

Fase 2 Musical Seminar: durante e fase aki maksimal 200 hóben ku a partisipá na fase 1 durante 2017 te ku aworakí a haña invitashon pa partisipá na e evento aki. E fase aki ta duna e hóbennan oportunidat pa topa ku otro hóbennan i hóben adulto profeshonal i artista, ku apesar di tur tentashon i opstákulo a logra nan propósito profeshon i artístiko. E programa di e aña aki ta konsistí di

1. presentashon di motivational speaker, kantante i deportista internashonal Yu di Kòrsou Pharon Pilgrim konosí komo FireOn.

2. workshop di Kanto, Baile moderno i Afrikano, Drama, Sirko, Rap i Brassband, Arte Visual i Muzik.

3. presentashon sorpresa di un kantante hopi konosí bou di hóbennan.

4. Musical na enkargo di Excel Arts Academy i

5. ‘Open Mic’, espasio pa e hóbennan presentá loke nan a siña den e workshop di talento. Danki na Reda Sosial i algun kompania ku a pone fondo disponibel por presentá un tremendo programa.

Fase 3 Scholarship: 50 hóben ku a partisipá na e Musical Seminar edishon 1 i 2 ta bini na remarke pa 1 aña di training di talento i mentorado. Samenwerkende fondsen i Prins Bernard fonds a pone fondo disponibel pa e fase aki. Organisadónan ta spera di risibí mas kontribushon di mas fondo i kompania(nan) ku a mustra interes pa mas hóben partisipá na e fase aki.

Fase 4 Dokumental: un dokufilm tokante bida di e hóbennan ku a partisipá na Fase 3 di ámbos edishon i e efekto positivo ku e proyekto tin riba nan.

YV5K i be.advancement ta gradisí tur lider, dosente i mentor enkargá ku kordinashon di registrashon di e hóbennan pa nan esfuerso pa garantisá partisipashon di e hóbennan na e Musical Seminar. Por scan i mail esakinan na hobenon.projects@gmail.com òf por tuma kontakto ku Bianca Neman, kordinadó di e proyekto Hóben Òn! na 5122440 pa kordiná entrega di e formularionan konserní. Ta spera tur hóben djasabra awor pa registrá nan partisipashon promé ku 3.45 or di atardi pa inisiá presis 4’or ku e parti ofisial na enkargo di FireOne.

Advertisements
error: Content is protected !!
%d bloggers like this: