Advertisements

19 di yüni próksimo FUNDASHON PRO SOUAX ta organisá: Charla grátis “IMUNIDAT PARLAMENTARIO” 

19 di yüni próksimo FUNDASHON PRO SOUAX ta organisá: Charla grátis “IMUNIDAT PARLAMENTARIO” 
                                                

Fundashon Pro Souax i Sentro di bario Souax gustosamente ta invitá habitantenan di bario di Souax, Gato i bisindario i tambe otro interesadonan, na kontinuashon di e “Siklo di Charla riba Tópiko Hurídiko”. Tópiko pa e luna aki lo ta IMUNIDAT PARLAMENTARIO”.   E charla ta tuma lugá djamars 19 di yüni próksimo i e oradó lo ta griffier di Parlamentu di Kòrsou, mr. Silvin Cijntje.

Komo siudadano kiko bo ta pensa di imunidat parlamentario? E t’ei pa sirbi abo; e t’ei pa sirbi e parlamentario òf e t’ei pa sirbi boso tur dos? Komo siudadano ta importante pa bo ta bon na altura di kiko ta imunidat parlamentario i kua ta e demas reglanan a base di kua nos parlamentu i parlamentarionan ta funshoná.

Un parlamentario por papia kiko ku e ke, ofendé, akusá sin ku nada ta bin afó? E loke e parlamentario bisa den parlamento e por bai radio i bisa e mesun kos aki sin konsekuensia? Kon imunidat parlamentario ta poseshoná su mes frente e reglamentu di òrdu di parlamentu?

Durante e charla ku lo ta di 7or pa mitar di 9 anochi na Sentro di bario Souax oradó mr. Silvin Cijntje entre otro lo amplia riba kiko ta imunidat parlamentario i si esaki ta duna e representante di pueblo libertat di ekspreshon apsoluto.

Moderadó lo ta mr. Juny Sluis, presidente di Fundashon Pro Souax.
Entrada ta grátis i lo tin amplio oportunidat pa hasi pregunta.

                        Kontinuashon “Siklo di Charla riba tópiko hurídiko”

Tópiko: IMUNIDAT PARLAMENTARIO”
Oradó: mr. Silvin Cijntje
Moderadó: mr. Juny Sluis
Dia: djamars 19 di yüni 2018
Ora: 7or pa mitar di 9 anochi na Sentro di bario Souax
Entrada: GRÁTIS i un i tur ta bon biní

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: