Advertisements

Subway ta habri su di 10 establesimentu na Kòrsou: Subway Airport ta un realidat!

Subway ta habri su di 10 establesimentu na Kòrsou:

Subway Airport ta un realidat!

 

Willemstad, Kòrsou:  Tabata djabièrnè último ku Subway a habri su di 10 establesimentu na Kòrsou. Esaki ta un logro hopi grandi pa Subway Curacao i naturalmente tur su empleadonan. E apertura ofisial a bai kompañá pa un magno selebrashon na unda ku naturalmente e kliente tabata sentral.  Pa selebrá e apertura djabièrnè último tur kliente por a probechá di e ‘BOGO Special’- na kada kompra di un 6” sub, flatbread, wrap òf footlong nan lo a risibí e di dos grátis.  Di akuerdo ku propietario Sr. Van Grieken e apertura di un filial mas na Kòrsou ta muestra ku Subway ta sigui kere den nos isla i su hendenan, no opstante e desafionan ku nos ekonomia tin. E’la kontinuá bisando, “Nos ta gradisí tur nos trahadónan ku tur dia di nobo ta hasi nan trabou ku amor i dedikashon. Nan esfuerso i nan gana di progresá ta un inspirashon pa ami mes. Masha pabien!”.

 

Subway Airport ‘Fresh Forward Design’

Manera ku klientenan ya por a ripará Subway na Airport tin un diseño nobo paden i pafó. E diseño ‘Restaurant Of The Future’ ta forma parti di e ‘Fresh Forward Design’ di Subway mundialmente. Nos ta e di 3 merkado den Caribe ku tin esaki. Jamaica tabata promé, despues Trinidad & Tobago i awó Kòrsou tambe!  Aña pasá den luna di yüni a ‘refresh’ e logo di Subway; gradualmente lo kompletá e ‘rebranding’ di tur Subway na Kòrsou pa nan ta di akuerdo ku guia di e marka mundial.  E diseño nobo di Subway ta ofresé e kliente un eksperensia diferente. Ademas di kolónan nobo i vibrante, e diseño ta inkluí un ‘display’ di vegetal nobo tambe. Un renobashon kompletu di e manera kon e kliente ta disfrutá di Subway. E establesimentu na Airport ta ofresé asiento parti paden i naturalmente ta konta ku un terasa pafó na unda ku tantu nos hendenan lokal i turistanan por disfrutá di airu fresku i e ‘ambiente’ na aeropuerto.  E restorant ta ubiká ‘landside’, ta nifiká ku e ta aksesibel pa tur hende, asta esun ku no ta bai di biahe. Gerensia di Subway ta suprayá ku e preisnan ta meskos ku na tur otro filial di Subway na Kòrsou!

Subway Airport lo ta habrí di djaluna pa djadumingu for di 6’or di mainta pa 8’or di anochi- nònstòp!  Pa mas informashon riba promoshon i oferta, bishitá e página di facebook di Subway www.facebook.com/subwaycuracao

Advertisements
%d bloggers like this: