Advertisements

Pronóstiko di tempu pa Kòrsou i bisindario bálido te djárason mainta 6:00 o.l, 13 di yüni 2018.

Pronóstiko

Pronóstiko di tempu pa Kòrsou i bisindario bálido te djárason mainta 6:00 o.l, 13 di yüni 2018.
Kompilá: 
djamars 12 di yüni 2018, 05:00 o.l. (09:00 UTC)

Tempu: Shelu lo ta basta nublá ku wer prinsipalmente seku, tantu awe komo djárason.

Temperatura máksimo lo alkansá 31 ºC i temperatura mínimo 26 ºC.
Solo ta sali 06:11 i ta baha 19:01 o.l.

Bientu: For di un direkshon generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Debesenkuando te fuerte den ráfaga; forsa 6 (40 te 50 km/ora, 22 te 27 nudo).

Situashon general: Un fluho di airu relativamente seku ta limitá e posibilidat pa áwaseru signifikante durante di awe te parti di mayan, djárason. Despues mas lat nubianan lo oumentá i posiblemente laga awa kai riba parti di e isla. Di otro un banda, e bientu lo supla ménos fuerte awe, pero esaki lo oumentá un bes mas mayan djárason. Ta antisipá tambe ku stof fini di Sahara lo plama atrobe riba nos área durante e di dos parti di e siman aki.

Kondishon di laman: Por lo general moderá ku altura di ola entre 1 i 2 meter (3 pa 6 pia).

Sistemanan signifikante di wer tropikal: Ningun.

Fenómeno spesial: Ningun .

Pèrspektiva te djaweps mainta: Shelu lo ta nublá ku bientu debesenkuando fuerte. Awa por kai ainda den djaweps mainta.

Meteorólogo: Coffie.

E próksimo boletin di tempu lo wòrdu publiká djamars 11:00 o.l. (15:00 UTC).

Advertisements
%d bloggers like this: