Advertisements

KOMUNIKADO DI KUERPO POLISIAL KÒRSOU Detenshon pa violashon di Lei di Arma di Kandela .

KOMUNIKADO DI KUERPO POLISIAL KÒRSOU
244 / 2018
11 yüni 2018

Detenshon pa violashon di Lei di Arma di Kandela .

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 11 di yüni 2018, alrededor di 10.45 or, un unidat polisial di departamentu di tráfiko durante di un kontròl di tráfiko riba Erosweg a para un vehíkulo (toyota yaris). Shofùr di e vehíkulo aki no a duna oido na esaki i mes momento e shofùr aki a bira bèk subi Cas Coraweg. Mesora e agentenan a start ku un persiguishon tras di e outo aki ku a terminá bèk riba Erosweg kaminda a logra para e vehíkulo.
Durante di un kontròl den e outo polis a haña un revòlver ku seis (6) bala skèrpi.
Polis a konfiská e arma, munishon i e vehíkulo pa mas investigashon.
Relashoná ku esaki polis a detené tantu e shofùr komo e okupante na e sitio komo sospechoso di violashon di e Lei di Arma di Kandela. Ta trata di e sospechosonan:
 e homber D.L.D., nasé na Kòrsou di 44 aña di edat i ;
 e dama Ch.R.D.-R., nasé na Kòrsou di 42 aña di edat.
A presentá e sospechosonan dilanti di un Fiskal Ouksiliar, e dama Ch.R.D.-R. a bai kas despues di interogashon. E hòmber D.L.D. a keda será pendiente mas investigashon.

Advertisements
%d bloggers like this: