Advertisements

Minister Suzy Camelia-Römer, di Salubridat, Medio Ambiente i Naturalesa ta haña importante pa pashèntnan tin akseso na métodonan di medisina natural/alternativo probá tambe.

Minister Suzy Camelia-Römer, di Salubridat, Medio Ambiente i Naturalesa ta haña importante pa pashèntnan tin akseso na métodonan di medisina natural/alternativo probá tambe.

 

WILLEMSTAD- Manera a anunsiá anteriormente, riba invitashon di Organisashon Mundial di Salú (WHO), Minister Suzy Camelia-Römer, di Salubridat, Medio Ambiente i Naturalesa (GMN) a partisipá na e promé workshop interregional tokante integrashon di medisina tradishonal i komplementario den sistema di salubridat, ku a tuma lugá na Macau, China. 

 

Na e workshop a partisipá 24 pais i varios universidat i organisashon internashonal, representando regionan di Asia, Latino Amérika i Karibe, Afrika i region Pasífiko. Partisipantenan a debatí riba relevansha i mihó práktikanan pa garantisá seguridat pa pashènt dor di registrashon di produktonan, práktikanan i praktikadónan di medisina tradishonal/alternativo i tambe kon pa mihó integrá esakinan den e diferente sistemanan di salubridat ku ta eksistí na mundu, inkluso por ehempel seguro básiko.

Práktika ta demonstrá ku medisina natural/alternativo ta relevante pa prevenshon di malesa i tambe den tratamentu di malesanan króniko, manera entre otro diabetis i enfermedatnan kardiovaskular. Importante ta pa pashèntnan tin akseso na tantu medisina modèrnu/oksidental  ku na métodonan di medisina natural/alternativo probá – pues pa den e tratamentu tin un aserkamentu komplementario.

Durante e workshop Prof. Dr. Sirving Keli di Ministerio di GMN a hasi un presentashon tokante Kòrsou. Komo parti di e programa di e workshop, delegashon di Kòrsou a bishitá tambe un sentro di salú den kua ta ofresé medisina modèrnu i medisina natural di forma paralelo na públiko.

Basá riba rekomendashonnan ku a sali for di e workshop, Organisashon Mundial di Salú (WHO) lo kontinuá desaroyo di un kuadro (framework) pa yuda paisnan chikí i grandi pa hasi avansenan konkreto riba integrashon di medisina tradishonal i komplementario den sistemanan di salubridat.

Denter di poko Ministerio di GMN lo organisá un konferensha riba e tema di medisina natural i alternativo. Mas informashon lo sigui pronto.

Advertisements
%d bloggers like this: