Advertisements

KOMUNIKADO DI KUERPO POLISIAL KÒRSOU Tres detenshon pa violashon di Lei di Arma di kandela i lei di Opio.

KOMUNIKADO DI KUERPO POLISIAL KÒRSOU

242 / 2018

10 yüni 2018

Tres detenshon pa violashon di Lei di Arma di kandela i lei di Opio.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 9 di yüni 2018, alrededor di 18.45 or, un unidat polisial durante di nan patruya a topa un pikòp ku tres hòmber den dje ta sali for di Patrick (área di Banda Bou).
E patruya a para e shofùr di e pikòp pa un kontrol. Durante di e kontrol polis a konstatá sinku (5) bulto den baki di e pikòp. Den e bultonan aki polis a enkontrá un total di 11 arma di kandela (pistol i revòlver), un kantidat basta grandi di munishon di diferente kaliber i tambe droga (kokaina i heroina).
Polis a konfiská e pikòp, e armanan di kandela, munishon i e droga pa mas investigashon.
Relashoná ku esaki polis a detené na e sitio e tres (3) hòmbernan den e pikòp komo sospechoso di violashon di lei di arma di kandela i lei di Opio. Ta trata di e hòmbernan sospechoso:
1. H.A.M.S., nasé na Colombia di 45 aña di edat;
2. H.H.H.O., nasé na Colombia di 27 aña di edat;
3. W.F.C.L., nasé na Venezuela di 32 aña di edat.
A presentá e sospechosonan dilanti di un Fiskal Ouksiliar ku a ordená nan enkarselashon pendiente mas investigashon.
Athunto potrèt.

Advertisements
%d bloggers like this: