Advertisements

Karchinan ya ta na benta Curaçao Zoo ku “Beats & Feast” dia 6 di yüli na Tafelberg

Karchinan ya ta na benta

Curaçao Zoo ku “Beats & Feast” dia 6 di yüli na Tafelberg

Resientemente Curaçao Zoo & Botanical Garden a informá komunidat tokante di “Beats & Feast”, un aktividat anual pa rekoudá fondó pa Curaçao Zoo. E promé edishon aki lo tin komo tema “Under Construction”, teniendo kuenta ku e situashon aktual di e parke, i ta tuma lugá djabièrnè 6 di yüli próksimo na Tafelberg di 7or pa 11or.

Entrada ta $200 pa persona i ta inkluí entretenimentu, kos di kome, di bebe i varios sorpresa. Entretenimentu lo ta den man di AxL & Friends, dj RO-1 i Nelson Braveheart and Titania Willem.

Meta di e rekoudashon di fondo aki ta pa generá fondo pa importá i mas ku klaro krea e habitat adekuá pa e ‘Ring-Tailed Lemur’, kua ta e maskota di Curaçao Zoo, konosí pa nos tur den e pelíkula infantil “Madagascar”.

Kordinashon di e evento kompleto ta na enkargo di Celebrations.

Karchinan ya ta optenibel na Mensing’s Caminada, Van Den Tweel, Curaçao Zoo i Curaçaosche Wegenbouw Maatschappij.

Riba e medionan sosial di Curaçao Zoo lo sigui duna informashonnan rondó di e evento aki.

Pa mas informashon, por yama Curaçao Zoo na 736-5811 òf mail info@curacaozoo.com.

Ring-tailed Lemur, (lemur catta)
Advertisements
%d bloggers like this: