Advertisements

Komishon Figo di Enseñansa di PARLAMENTO

di BISHITA  NA SKAIH I KOLEGIO ERASMO

 

WILLEMSTAD 10 yünoi 2018

Djarason 13 di yüni próksimo e komishon figo di Parlamento di Kòrsou pa Enseñansa lo hasi un bishita di trabou na Fundashon pa Skol Humanista na Papiamentu (FSHP).

Riba e dia aki direktiva di FSHP ku ta maneha e úniko skolnan ku ta usa papiamentu i pronto ingles, komo idiomanan di instrukshon na Kòrsou lo risibi e komishon figo di enseñansa di Parlamentu di Kòrsou.

Parlamento lo hasi un bishita na e skolnan Kolegio Erasmo i SKAIH pa asina haña  informashon di e enseñansa ku nan ta ofrese. Ei nan lo keda risibi pa e direktornan. Despues lo sigui  presentashon di e di tres skol di FSHP, esta  SKAIH Pre-Universitario (SPU) ku lo kuminsa na ougùstùs proksimp.

Meta di e bishita ta pa Parlamento haña un bon bista di enseñansa den idioma materno, su  logronan, dolornan di kabes,  su desafio i di e ventahanan sientífikamente probá di enseñansa bilingual na papiamentu i ingles.

Fundashon pa Skol Humanista na Papiamentu ta manehá un skol pa Enseñansa di Fundeshi, Kolegio Erasmo ku 290 alumno. E skol tin un instituto pa enseñansa pre-eskolar Yogatina  pa muchanan di 2 i 3 aña.   E fundashon ta manehá tambe un skol pa enseñansa avansá integrá pa ”VSBO”, SKAIH, ku 327 alumno den e diferente direkshonnan. Próksimamente e fundashon lo kuminsa ku un skol ku ta duna enseñansa pre-universitario( pa havo/vwo) E skol lo ta  bilingual ( papiamenu/ingles) komo idioma di instrukshon I kaminda alumnonan ta sina ademas ulandes i spaño.

 

Kòrsou 10  di yüni 2018

Advertisements
%d bloggers like this: