Advertisements

SPROOKJE DI MIKE EMAN “NIET SNOEIEN, MAAR GROEIEN” TA NA ORDO DI DIA!!

DEN NOMBER DI UPP.
C.A,S.D (BOOSHI) WEVER,

SPROOKJE DI MIKE EMAN “NIET SNOEIEN, MAAR GROEIEN” TA NA ORDO DI DIA!!

Den e ultimo dianan nos mester constata cu e “spin-doctors” di e
gobierno actual ta draai “op volle toeren”! E machinaria di propaganda
cu nos a conoce e ultimo 8 añanan a wordo poni den funccion y esaki pa
purba di hustifica e derochamento di placa sin fin cu tin den e gobierno aki.

Nos mester constata cu no tin coherencia den maneho. Di un banda
nombracionnan politico ta tuma lugar y di otro banda ta bisa cu
mester kita hende for di trabow. Nos a tende e Minister Presidente
declara den parlamento cu ela kita 300 y pico y CAFT den su raport ta
bisa cu ya caba den e prome 3 luna di e aña aki a surpasa e begroting
di 2017. Con esaki ta posibel?
UPP a trece e pensamento cu mester “depolitisa” e nombramento di personal den
gobierno y alabes wak con pa baha e cantidad di personal gradualmente
via natuurlijke
afvloeiing, pero mas importante ta pa no crea mas departamento y si
mester bin un departamento y/o servicio esaki mester sosode via un ley
na unda ta stipula tambe cuanto hende mester pa laga e departamento
por opera. Loke nos ta mira cu e gobierno aki ta nombra hende pa loco
y  ya caba a bin cu por lo menos dos servicio of departamento extra.
Pues aki no por papia di “SNOEIEN”!

Loke tambe a resalta ta e hecho cu e machinaria di propaganda ta
hasiendo nan maximo esfuerso pa hustifica e mudamento di Serlimar di
San Nicolas pa Pos Chikito. Un MEGA-gasto extra cu al final Pueblo lo
mester bay paga. Complace cu e financistanan mas grandi di POR lo bay
costa pueblo un 600.000,= bubu extra pa aña. Pero Pos Chikito mester keda
contento ya cu nan ta haya un muebleria back, di Pepeganga pa
Muebleria Serli-ganga.
Aki tampoco  ta “SNOEI” pero mas bien ta parce cu ta “KNOEI”
pa complace cu e amiguito di Otmar. Esaki no ta tipo  di corupcion cu
nos a conoce den FDSN cu Otmar tabata meti aden?
E otro asunto cu ta ser  treci dilanti ta e asunto di “leasemento” di
e 22 trucknan. Manera nos a bisa caba, e trucknan cu tin den uso awor
por bay por lo menos 6 aña mas. Aki nos ta papia di un otro por lo
menos di 2.500.000,= bubu pa aña.

Nos a tuma nota di un otro pakete di propaganda cu ta e deal cu EcoGas.
Tin un silencio hermetico di cuanto e deal aki lo bay costa. Un
calculacion conservativo
ta yega hopi facil na por lo menos 2.400.000,= bubu pa aña.
Aki a “SNOEI”? No ta parce. E minister ta hasi como sifuera cu lo no
bay costa nada siendo un di e directoranan ta admiti di no sa cuanto
esaki lo bay costa. En todo caso mi no a lesa ningun caminda cu EcoGas
a bira un instituto filantropico cu ta traha por nada.

E ultimo cu nos kier a toca ta e asunto di Waste to Energy. Nos a
scirbi hopi tocante
di esaki, pero nos kier a invita tur hende pa busca informacion al
respecto. Un cos nos por bisa cu no tin ni un instalacion asina ey cu
ta funccionando den mundo henter sin subsidio ni problema. Es mas casi
tur caminda nan ta serando esakinan pasobra eno ta e solucion.
Dicon tur hende kier pa nos lubida cu tin un instalacion di Waste to Energy
aki na Aruba cu a fracasa? Y esaki tambe tabata un “deal” hopi straño
cu WEB tambe ta hinca pata pata aden. Miyones di placa di pueblo a bay
perdi eyden. “Geen haan die ernaar kraait”.
Dicon no ta hasi un investigacion? Of tin hende hopi cerca di e
minister por sali malo for
di esaki?  Prohibi pa lubida!!
Aki sigur lo no “SNOEI” y e unico manera cu por logra si bay “KNOEI”
atrobe. E “sprookje” aki lo sali por lo menos 12.000.000,= pa aña pa
opera.

Loke ta yena nos cu indignacion ta e hecho cu nos NO ta tende nada
di Parlamento. Ta parce cu nan keto bay ta den “winterslaap” of mester recupera
di “jet-lag” of nan ta pensa, “praten is zilver,maar zwijgen is goud”?
Cu otro palabra, CANI MI,PAMI CANI BO!!

Mas pio ta e hecho cu tanto Minister Presidente y di e Minister di
Economia, ta hustifica
e derochamento di placa aki, bisando cu mester hasi e inversion pa por
tin un crecemento economico.
Esey ta zona conoci den mi oreanan. No ta esaki e contador di “SPROOKJES” mas
grandi di Aruba, esta Mike Eman a trata na “brainwash” nos pueblo pa 8
aña largo cu e lema “NIET SNOEIEN,MAAR GROEIEN” y  pa colmo  a declara
cu e ta orguyoso di esey tambe. Kiko ta diferente awor?

Nos a mustra cu aparte di “NIET SNOEIEN” en todo caso a bin algo mas
na cla esta “KNOEIEN”. Mi ta duda cu Otmar no a “KNOEI” tambe den e
periodo cu e tabata orguyosamente AVP/POR.

No a  straña mi ora cu mi a compronde cu  Otmar a bay reuni cu hendenan cu ta
traha caminda y drecha caminda pa yuda Aruba den esaki, elo lo a  pidi nan pa
nan join (Cartel) y financia esaki y Gobierno ta paga nan poco poco(PPP).
Esnan presente a keda babuca pasobra cu Caft a duna di conoce cu no
tin espacio mas pa PPP y recientemente e minister di economia  a bisa
cu pronto lo bin e “Mededinginsautoriteit” cu lo mester evita
“Cartel-vorming”?! Aki aparentemente Otmar lo a  bisa cu por soluciona
esaki dor di duna e PPP un otro nomber. Con nos ta yama tipo di
maniobranan asina?

Mirando tur loke ta pasando nos no por saca un otro conclusion cu ta:

“NIET SNOEIEN,MAAR KNOEIEN, OOK NIET GROEIEN, MAAR WEL STOEIEN MET MEKAAR”!!

Den nomber di UPP.
drs.C.A.S.D (Booshi) Wever (lider)
Brazil 163.

Advertisements
%d bloggers like this: