Advertisements

Pronóstiko di tempu pa Kòrsou i bisindario bálido te djadumingu mainta 06:00 o.l, 10 di yüni 2018.

Pronóstiko

Pronóstiko di tempu pa Kòrsou i bisindario bálido te djadumingu mainta 06:00 o.l, 10 di yüni 2018.
Kompilá: 
djasabra 9 di yüni 2018, 05:00 o.l. (09:00 UTC)

Tempu: Levemente te parsialmente nublá i nos wer lo keda seku kasi tur kaminda.

Temperatura máksimo lo alkansá 32 ºC i temperatura mínimo 26 ºC.
Solo ta sali 06:10 i ta baha 19:00 o.l.

Bientu: For di un direkshon generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte te duru den ráfaga; forsa 6 te 7 (40 te 61 km/ora, 22 te337 nudo).

Situashon general: Durante di próksimo 24 ora tambe lo no tin nubia signifikante riba nos region. Esei lo sigui resultá den wer seku riba nos isla. Mas aleu, e diferensia den preshon di aire lo keda bastante grandi riba parti sùit di Laman Karibe i dor di esei bientu por lo pronto lo keda fuerte. Ademas di esei stòf fini for di Sahara lo sigui redusí visibilidat den nos region, ounke e kantidat di stòf aki gradualmente lo bira ménos durante di fin di siman.

Kondishon di laman: Moderá te lokalmente basta brutu ku altura di ola entre 1.5 i 2 meter (4 pa 7 pia).

Sistemanan signifikante di wer tropikal: Ningun.

Fenómeno spesial: Ningun .

Pèrspektiva te djaluna mainta: Shelu por lo general lo ta parsialmente nublá, wer lo keda seku i bientu lo sigui basta fuerte.

Meteorólogo: Abraham.

E próksimo boletin di tempu lo wòrdu publiká djasabra 12:00 o.l. (16:00 UTC).

 

Advertisements
%d bloggers like this: