Advertisements

KOMUNIKADO DI KUERPO POLISIAL KÒRSOU Kontròl di tráfiko.

KOMUNIKADO DI KUERPO POLISIAL KÒRSOU

241 / 2018

9 yüni 2018

Kontròl di tráfiko.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 8 di yüni 2018 Departamento di Tráfiko konhuntamente ku unidatnan di
Mantenshon di Òrden Públiko, Mareshosé i ofisina Paga Bo But di Ministerio Públiko a tene
kontròl di tráfiko. E kontròlnan tabata dirigí riba manehá un vehíkulo bou di influensia di
alkohòl. E kontròlnan aki a tuma lugá for di 24.00 or di anochi te ku 05.00 or di mardugá,
den área di St. Maria i riba kaminda pa bai Bullenbaai. Durante e kontròl diesseis (16)
shofúr a haña prosèsverbal pa diferente infrakshon kometé. Entre otro:
manehá un vehíkulo sin reibeweis bálido;
manehá un vehíkulo sin faha di seguridat bistí;
manehá un vehíkulo ku number di outo ku no ta pagá;
manehá un vehíkulo ku glas skur;
manehá un vehíkulo sin seguro bálido;
manehá un vehíkulo sin plachi di number pegá.
Durante di e kontròl aki polis a kita seis (6) vehíkulo i a transportá nan ku kran pa Warda di
Polis Rio Canario.
• Durante kontròl den área di St.Maria polis a detené seis (6) persona ku tabata
manehá un vehíkulo bou di influensia di alkohòl. Nan a keda detektá na momentu ku nan
a supla den un asina yamá ‘blaaspijp’. A hiba e outomobilistanan pa Warda di Polis Rio
Canario pa hasi e asina yamá ‘dronkenmanstest’.
• Durante kontròl riba kaminda pa bai Bullenbaai a detené dos (2) persona ku tabatin
droga den nan poder i un (1) militar ku tabata manehá un vehíkulo bou di influensia di
alkohòl.
• Personal di ofisina di Paga Bo But a kobra un total di fl.1.900,- na personanan ku ta debe
but.
E kontròlnan aki ta kontinuá.

 

Advertisements
%d bloggers like this: