Advertisements

E di 7 edishon di ‘Global Day Of Discovery’.  Otro eksitoso ‘Dia di Deskubrimentu’ pa turista

E di 7 edishon di ‘Global Day Of Discovery’.  Otro eksitoso ‘Dia di Deskubrimentu’ pa turista

 

WILLEMSTAD – YÜNI –  Esaki ta e di 7 aña konsekutivo ku hotèlnan di Renaissance ta selebrá un dia riba kual ta laga e huéspet sera konosí ku tur loke e merkado ta ofresé.  Tur 160 hotèl di Renaissance den mas ku 40 pais ta dediká un dia spesial na inspirá deskubrimentu, esaki dor di organisá eventonan eksklusivo riba- òf pafó di e propiedat.  Dia 5 di yüni último, huéspetnan di e hotèl a djòin artista lokal Avantia Damberg pa krea un pintura spesial di un paisahe di Kòrsou inkorporá den un silueta di un yuana, un barika hel òf un warawara.  Durante di e seshon aki a siña e huéspetnan kon pa meskla diferente koló i krea nan mesun vershon kreativo di e tarea. Tambe por a apresiá arte lokal den un ‘Pop Up Art Gallery’ di artistanan Francis Sling,  Avantia Damberg i tambe Renaissance su propio Gilmar Monte.

Tur aña ta sera e ‘Global Day Of Discovery’ ku un ritual di kòktel na unda ta hasi likor di Kòrsou sentral i ta krea un kòktel spesial pa kada aña. E aña aki no tabata un eksepshon; bartèndernan lokal i ekspertonan den  bebidanan signatura di Kòrsou a krea algun kòktel hopi spesial pa Global Day of Discovery 2018.   E evento ‘bar ritual’ ta primordialmente pa selebrá fin di e dia di deskubrimentu, kada kòktel ta un biahe riba su mes i ta krea un eksperensia ku vibrashon lokal pa e bishitante. Huéspetnan por a disfrutá den lòbi di Renaissance Curaçao Resort di músika karibense, algun pasa boka i tambe ritmo lokal/ tropikal ku Dj Natsuj.

Advertisements
%d bloggers like this: