Advertisements

KOMUNIKADO DI KUERPO POLISIAL KÒRSOU Detenshon pa maltrato i ladronisia. Hòmber di 18 aña di edat ta bati bewaker ku bate baseball den kabes

KOMUNIKADO DI KUERPO POLISIAL KÒRSOU

240 / 2018

7 yüni 2018

Detenshon pa maltrato i ladronisia.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 7 di yüni 2018, alrededor di 13.11 or, Sentral di Polis a dirigí unidatnan polisial na un supermarket den área di Jan Noorduynweg pa un kaso di maltrato.
Na yegada di e patruya na e sitio, e agentenan a topa ku un hòmber ku ta traha komo bewaker na e establesimentu ariba menshoná ku diferente sla na altura di su kabes. For di un investigashon preliminar ku e agentenan a hasi na e sitio, a resultá ku un kliente maskulino a trata na sali for di e establesimentu ku un artíkulo ku e no a paga p’é. Na momento ei un di e bewakernan a aserka e kliente i bise pa e saka e artíkulo aki for di su saku di karson. E kliente a hasi esaki i a sali for di e establesimentu. Despues di un ratu kòrtiku e kliente aki a bolbe na e supermarket ku un bate di beisbòl i a dal un di e bewakernan ku tabata pará na porta ku e bate aki na altura di su kabes ku e konsekuensia ariba menshoná. Despues di su akto e sospechoso a sali for di e supermarket. Un otro bewaker a sali su tras. E sospechoso a logra di bai for di e sitio lagando un outo atras di start. Ambulans a presentá na e sitio i a transportá e víktima pa poliklínika di SEHOS pa tratamentu médiko. Siguiendo ku e investigashon alrededor di 14.15 or, polis a detené e sospechoso aki na su kas den área di Juan Domingu. Ta trata di e hòmber R.B.A. nasé na Kòrsou di 18 aña di edat. Tambe a konfiská tantu e bate di beisbòl komo e outo pa mas investigashon.
A presentá e sospechoso dilanti un Fiskal Ouksiliar ku a ordená su enkarselashon pendiente di mas investigashon.

Advertisements
%d bloggers like this: