Advertisements

World Health Organization ta invitá sra. Minister Camelia-Romer pa partisipá den promé workshop inter-regional na Macau, China.

World Health Organization ta invitá sra. Minister Camelia-Romer

pa partisipá den promé workshop inter-regional na Macau, China.

 

WILLEMSTAD- Manera a anunsiá anteriormente riba invitashon di e organisashon mundial di salú, World Health Organization (WHO), Minister Camelia-Römer di Salú,  Medio Ambiente i Naturalesa (GMN) a biaha pa Macau, China pa partisipá den e promé workshop inter-regional riba integrashon di medisina tradishonal, komplementario i integrativo den e sistema di salubridat públiko.

Esaki netamente ta kuadra den e maneho di Gobièrnu pa kambia direkshon di e sektor di salubridat na Kòrsou di unu dirigí puramente riba kombatimentu di enfermedat, pa un sistema di salubridat dirigí riba e salú di hende, esta ‘wellness’. E ‘workshop’ inter-regional ta kumpli ku e meta di e organisashon mundial di salú, WHO, pa paisnan rekonosé e sistemanan aki di kuido di salú natural banda di esun konvenshonal ku nos konosé i ta konta ku partisipashon di paisnan di regionan di Amerika (Latina), Karibe, Afrika, Asia i Oropa.
Den e delegashon di Kòrsou ta partisipá prof dr. Sirving Keli, direktor di sektor di salú di Ministerio di Salú, Medio Ambiente i Naturalesa (GMN) i a la bes eksperto di salubridat públiko;  sra. drs. Aimée Kleinmoedig di Bureau Telecommunicatie en Post (BTP), kual organisashon a keda apuntá pa Gobièrnu komo konsehero riba tereno di tarifanan i deskripshon di prestashonnan di sektor di salubridat; i sr. drs. Alvin Daal MBA, hefe di kabinete di Minister Camelia-Römer.
Den dianan benidero lo kompartí mas informashon tokante e biahe di Minister Camelia-Römer.

 

Advertisements
error: Content is protected !!
%d bloggers like this: