Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Pronóstiko di tempu pa Kòrsou i bisindario bálido te djabièrnè mainta 6:00 o.l, 8 di yüni 2018.

Pronóstiko

Pronóstiko di tempu pa Kòrsou i bisindario bálido te djabièrnè mainta 6:00 o.l, 8 di yüni 2018.
Kompilá: 
djaweps 7 di yüni 2018, 05:00 o.l. (09:00 UTC)

Tempu: Shelu ta tiki nublá ku un wer seku, tantu awe komo mayan. Un fluho di bientu basta fuerte lo kompañá un bista redusí pa stòf fini di e desierto di Sahara.

Temperatura máksimo lo alkansá 32 ºC i temperatura mínimo 26 ºC.
Solo ta sali 06:10 i ta baha 18:59 o.l.

Bientu: For di un direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). Debesenkuando fuerte te duru den ráfaga; forsa 6 te 7 (40 te 61 km/ora, 22 te337 nudo).

Situashon general: Despues di poko awa ku por kai awe mainta, e ambiente atmosfériko ta bira hopi seku i relativamente mas stabil. Loke na su bùrt ta stroba desaroyo di nubia ku por kousa áwaseru durante e próksimo dianan. Di otro un banda, e diferensha den preshon di airu tambe ta bira mas grandi awe i ta kondusí na un fluho di bientu basta duru.

Kondishon di laman: Moderá te lokalmente basta brutu ku altura di ola entre 1.5 i 2 meter (4 pa 7 pia).

Sistemanan signifikante di wer tropikal: Ningun.

Fenómeno spesial:Ningun .

Pèrspektiva te djasabra mainta: Shelu ta parsialmente nublá i bientu lo sigui basta fuerte.

Meteorólogo: Coffie

E próksimo boletin di tempu lo wòrdu publiká djaweps 11:00 o.l. (15:00 UTC).

Advertisements
error: Content is protected !!
%d bloggers like this: