Advertisements

KOMUNIKADO DI KUERPO POLISIAL KÒRSOU Detenshon pa violashon di Lei di Opio.

KOMUNIKADO DI KUERPO POLISIAL KÒRSOU
239 / 2018
7 yüni 2018

Detenshon pa violashon di Lei di Opio.

Departamentu di Komunikashon i Prevenshon

KUERPO POLISIAL KÒRSOU  SIRBI I PROTEHÁ

Djárason 6 di yüni 2018, alrededor di 23.17 or, Sentral di Polis a risibí notifikashon ku den área di Bapor Kibrá bewakernan tin dos hòmber tené, ku tin droga den nan poder.
Na yegada di e patruya na e sitio e bewakernan a deklará ku durante nan kontrol riba e lugá pa stashoná outo, nan a topa ku dos hòmber ku tabatin un saku di plèstik ku droga aden i a pidi presensia di polis.
Na e sitio polis a hasi un investigashon i a haña e dos sospechosonan ku:
 14 saku chikí di plèstik ku hasj;
 10 saku chikí di plèstik ku kokaina;
 12 saku chikí di plèstik ku mariwana.
Relashoná ku esaki polis a detené e hòmbernan:
 W.S. di 27 aña di edat;
 J.A.C. di 26 aña di edat, ámbos nasé na Kòrsou, pa violashon di Lei di Opio.
A presentá e sospechosonan dilanti di un Fiskal Ouksiliar.

 

Advertisements
%d bloggers like this: