Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Tim Kulinario di Kòrsou a bria ku ingredientenan lokal

Tim Kulinario di Kòrsou a bria ku ingredientenan lokal

 

Willemstad, 6 di Yüni 2018- E Tim Kulinario di Kòrsou a organisá un ‘Cook-Out’ eksitoso den kua nan a demostrá nan mihó platonan i bibidanan na mas ku 40 bishitante. E evento a tuma lugá na Miembro di CHATA, Restorant Mosa djaluna ultimo.

Tur aña, promé ku e kompetensia “Taste of the Caribbean” ku ta tuma lugá na Miami, e Tim Kulinario di Kòrsou ta organisá diferente evento den kua públiko por purba nan kumindanan sukulento. E meta di e eventonan aki ta pa e hóbennan rekoudá fondo pa asina nan por partisipá den e kompetensia internashonal i pa nan entrená den un ambiente kaminda diferente kliente por purba i husga nan platonan.  E bishitantenan tabata altamente sorprendí di e talento di e hóbennan aki. Di akuerdo ku un di e bishitantenan: ” Espesialmente e pasa boka a surpasá tur mi ekspektativanan. E tabata parse algu ku lo bo a kome den un restorant di 5 strea. Mi tin un konfiansa grandi ku e hóbennan aki lo trese mas ku 1 medaya pa Kòrsou.”

E partisipashon di e Tim Kulinario na e kompetensia di “The Taste of the Caribbean” ta posibel pa medio di kontribushon voluntario di vários persona i organisashon. CHATA ta espesialmente agradesí na Restorant Mosa, Dani’s Fruit Center, Licores Maduro i Margil Party Rentals ku tabata spònser di e evento.

Si bo ke sigui e Tim Kulinario di Kòrsou riba kaminda pa e kompetensia di “Taste of the Caribbean” sigui e tim riba nan paginá di Instagram @culinaryteamcuracao of sigui CHATA riba www.facebook.com/Chatacuracao

Advertisements
error: Content is protected !!
%d bloggers like this: