Advertisements

KOMUNIKADO DI KUERPO POLISIAL KÒRSOU Detenshon pa destrukshon i intento di ladronisia.

KOMUNIKADO DI KUERPO POLISIAL KÒRSOU
237 / 2018
5 yüni 2018

Detenshon pa destrukshon i intento di ladronisia.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 5 di yüni 2018, alrededor di 14.00 or, Sentral di Polis a risibí notifikashon di un kaso di ladronisia ku ta tumando lugá na un kas den área di Saliña Abou.
Na yegada di e patruya na e sitio nan a konstatá ku slòt di porta di e kas tabata kibrá pero no a haña ningun hende na e sitio. Polis a haña notifikashon ku e hòmber sospechoso ta bistí ku paña di kamuflahe i a hui na pia i bai for di e sitio. Durante un búskeda den área di Dominguitu polis a señalá un hòmber ku ta kuadra ku e deskripshon ku polis a haña. Na e sitio polis a detené e hòmber I.E.T. nasé na Kòrsou di 39 aña di edat, komo sospechoso di e intento di ladronisia i destrukshon ariba menshoná
A presentá e sospechoso dilanti di un Fiskal Ouksiliar ku a ordená su enkarselamentu pendiente di mas investigashon.

Advertisements
%d bloggers like this: