Advertisements

Tremendo presentashon final na Broeder Rigobertus School

Tremendo presentashon final na Broeder Rigobertus School

 

Dia 30 i 31 di mei,  alumnonan di Broeder Rigobertus school na Santa Rosa a pasa nan prueba final den e área di kushina i servisio. Esaki tabata enkonekshon  ku nan último aňa na skol básiko.

Den grupo di dos,  e alumnonan mester a prepará dos plato,  kual ta un kuminda prinsipal i un pasaboka. E promé dia mitar di e klas a kushina i e otro mitar a sirbi e kuminda. E di dos dia esun ku a sirbi a kushina i esun ku a kushina a sirbi.

Bou di guia di mener Malcolm i yùfrou Janoulle, e alumnonan a sabi di sorpresa kada invitado ku platonan sukulento. Kada invitado por a disfrutá di e anochi. Mayoria invitado tabata mayor di e studiantenan mes.

Broeder Rigobertus school, por mira atras riba dos anochi eksitoso i di ta super orguyoso di kada un di e hóben nan aki. E hóben nan aki ta speshal ku un talento super speshal den nan mannan. “Si bo ke logra, bo por, Basta bo mes ke”: esaki tabata Grace Goede – Martina su palabranan  di motivashon pa e hóbennan, durante di un di e anochinan.

Tur lokual ku skol  generá, ta wòrdu usa pa proyektonan i pa kumpra material pa kushina. Riba e fotonan por tuma nota di parti di e alumnonan su presentashon.

 

Advertisements
%d bloggers like this: