Advertisements

KOMUNIKADO DI KUERPO POLISIAL KÒRSOU Medidanan di seguridat, órden i órden públiko kaso ‘Magnus/ Maximus’.

KOMUNIKADO DI KUERPO POLISIAL KÒRSOU
235 / 2018
4 yüni 2018

Medidanan di seguridat, órden i órden públiko kaso ‘Magnus/ Maximus’.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 6 di yüni 2018 pa 08.30 di mainta tin tratamentu di kaso ‘Magnus/ Maximus’ den Korte di Hustisia. Na e okashon aki polis i otro identidatnan kompetente ta tuma e siguiente medidanan.
 Polis lo sera e siguiente kamindanan pa vehíkulo motorisá djárason 6 di yüni 2018 for 07.30 am:
 Wilhelminaplein na altura di Ministerio di Hustisia te na Waterfortstraat;
 Waterfortstraat kuminsando for di na altura di De Tempel. (ku eksepshon
di personanan ku ta laborá na Ministerio di Hustisia, Korte di Hustisia, Prokurador General i Parlamento, nan por hasi uso di e kamindanan menshoná pa stashoná nan vehíkulo).
Tráfiko biniendo for di Pietermaai por pasa na Wilhelminaplein i drenta Breedestraat. Personanan ku tin di bishitá un òf otro establesimentu òf ofisina den e kayanan aki por stashoná nan outo na un otro sitio i bai na pia.
 E kaso ta kuminsá 08.30 am i mester yega un (1) ora promé (07.30’or) pa por drenta Sala di Korte;
 Mester presentá un identifikashon válido. Preferibel Sédula òf Pasport pa por drenta;
 No ta pèrmití pa drenta ku telefòn. Pa miembronan di prensa tin eksepshon;
 No ta pèrmití pa drenta ku tas, por drenta ku yabi (outo) i ku identifikashon (sédula òf pasport) na man;
 Ta prohibí pa graba (video i oudio) den sala di Korte;
 Polis ta kontrolá tur hende ku drenta i sali den diferente forma;
 No ta pèrmití pa drenta bèk una bes ku bo sali for di edifisio durante e kaso;
 No ta pèrmití pa drenta sala di Korte despues di 8:25 am;
 Mester bini ku paña adekuá bistí (no ku strèp, shòrt ni slòf);
 Mester sigui tur òrdu di polis mesora.
Polis ta supliká un i tur pa tuma bon nota di e medidanan aki.

Advertisements
%d bloggers like this: