Advertisements

Asosiashon Di Musiko i Artista Na memoria di Luti Samson.

Na memoria di Luti Samson.

Mundu farandulero   akeda di shòk , pa e noticia ku Luti Samson a bai laga nos, komo ku Luti tabata aktivo den diferente aktividat i ketu bai por a kanta i pone su bos resoná.

Luti tabata un bon kantante , un bon kompositor i un bon hende,i semper bai amabel.

Luti ta nos ex rei di tumba, ku na 1982 a tembla stadion di Subt , interpretando e komposishon di Rene Samson, su ruman, den un forma sublime.

Luti a pega varios hit , ku te ku dia djawe ta resoná lokal i internashonalmente.Nos ta referí aki na e número, Mi so den Boso.

Athunto un reprodukshon di su vida artístiko, manera a keda publiká den e buki di prensa di 2014 di Amak.

Amak ta deseá famianan di Luti forsa na e momentonan difísilo aki.

Luti sosegá na pas

Luti Samson:

Un kurpa salú ta e reseta di un bon músiko”

Nòmber: Ludwig R. “Luti” Samson. Luti ta di bario di Buena Vista.

Ela nase: 8 Mart 1933 i ta oriundo di e bario Buena Vista.

Luti su Infansia i hubentut :

Despues ku Luti a hasi 4 aña e la bai biba serka su wela kaminda e la keda biba te ku algun luna promé ku e la regresá seka su mama pa e por a kasa ku su esposa (QEPD). Bibando serka su wela el a kuminsá yudé den un tienda ku e wela ta tin. Fo’i su edat di 14/15 aña, Luti a kuminsá toka ku su amigunan den bario i nan tabata traha diferente instrumento di bleki.

Luti a kuminsá su enseñansa na St. Thomas i despues ela bishitá Skol di Fishi di Shell. Einan ela studia 3 aña den e departamentu “Werkplaats”  i despues a  bai traha  10 aña na Shell. Despues ela traha 18 aña na Piskalat i tambe 8 aña na GOG komo “Kinderberschermer”. Por último Luti a traha na Kranshi 5 aña den departamentu di Sédula. Aparte di eseinan tambe luti a sigui kursonan di “ Public Speaking” i tambe Franses den su tempu liber..

Na edat mas grandi Luti su primu a bisé ku “ Estrellas del Caribe” ta buskando un kantante di “Guaracha”.

1940 LL         Luti a sigui un estudio di kanto hopi konosí via di Mexico kaminda e tabata graba komposishonnan i manda nan Mexico pa su dosentenan por a kontrolá esaki.

1951              Na aña 1951 Luti a drenta Estrellas del Caribe ofisialmente , den kua e la kanta mas o ménos 8 aña. Ku e banda ei Luti bai kanta na vários pais. E.o. Aruba, Venezuela i Boneiru. Despues, pa motibu ku ela bira malu, Luti a wanta 6 aña ku kantamentu.

 

1965              Na aña 1965 Luti a kuminsá kanta atrobe  i a komponé i graba bários kantika ku diferente banda i artista, i tambe a traha ku hopi músiko konosí den bandanan manera San José, Estrellas del Caribe, Sonora Antiana i tambe Hóben den Caribe, Super Dinamic i Ronchi Mattheuw, Toro Colina, Arnell Salsbach, Minguelito Cunie, Grass Man, Doble R i e banda di Macay. Durante Luti su trayektorio komo solista ela haña petishon pa bai kanta na Aruba pa 1 siman. Debí na e demanda asina grandi Luti a keda Aruba mas ku dos siman pa kanta den e temporada di Karnaval.  Vários biaha Luti a risibí plaka di rekonosementu pa trabounan ku ela hasi.

Luti komo tumbero

1972              Na aña 1972 Luti a debutá den Festival di Tumba ku e komposishon “Hisa Benta”.  Luti a partisipá 30 aña den Festival di Tumba kaminda e la finalisá na diferente lugá. Na aña 1982 Ela konkistá e premio máksimo, Rei di Tumba 1982, ku e komposishon “Kologá” kompaña pa Doble R.

Den Luti su trayektorio musikal e la komponé mas o ménos 50 kansion i a komponé tambe i graba 2 kansion Gospel.

Algun komposishon:

For di tur Luti su komposishonnan esnan ku mas a pega tabata:

  • “Mesun boka”
  • “Ora Solo baha”
  • “No biba mi bida”
  • “Mas i mas” i
  • “Si Pancho kalma”

Luti su bida  te na e momento di despedida.

Luti tabata  disfrutando di un penshon meresí.
Pero esei no kiermen ku e la stòp di kanta.  Luti a sigui kanta pa kuida e bos. Tambe Luti tabata yuda diferente mucha i hóben ku kanto. E sa bai kanta tambe ku su ruman, adems di sa pasa su tempu tokando Kitara.

Un di su j”jingle” nan hopi poular ta esun di Bon Bini.

Luti a sigui  komponé i graba pa diferente artista\ te ku resien.

 

Advertisements
error: Content is protected !!
%d bloggers like this: