Advertisements

Delegashonnan Parlamentario a haña un rekorido na e kompania di resiklahe di shushi AVR na Rozenburg

Delegashonnan Parlamentario a haña un rekorido na e kompania di resiklahe di shushi AVR na Rozenburg

Den kuadro di e konferensia IPKO na Den Haag ta un tradishon ku e pais anfitrion ta organisá algun rekorido pa e delegashonnan den e kaso aki esun di Kòrsou Aruba i Sint Maarten na organisashon òf instanshanan di interes. E biaha aki e delegashonnan a bai bishita e kompania di resiklahe di shushi AVR na Rozenburg. Nan a ser risibí pa direktor sr. Luca ku den su presentashon a ilustrá tur e benefisionan ku e kompania di nan tin ku nan operashon pa ku kreamentu di energia i e manera ku nan aktividatnan ta di salbaguardia nan pais pa ku naturalesa medio ambiente i e bienestar di nan poblashon engeneral. E benefisio ekonómiko ta sintá den e echo ku nan ta gana sèn ku benta di e produktonan ku e kompania ta prosesa komo produkto di materia prima básiko na final dje proseso di resiklahe.

Advertisements
error: Content is protected !!
%d bloggers like this: