Advertisements

Bishita di trabou na e Universidat di Wageningen ku e aña aki ta selebrando su 100 aña di eksistensia

Bishita di trabou na e Universidat di Wageningen ku e aña aki ta selebrando su 100 aña di eksistensia

Ku un kaluroso bon bini di e presidente dje hunta di direktiva dje Universidat di Wageningen den e persona di sra. Fresco e delegashonnan Parlamentario a haña un rekorido den e mundu sientífiko ku a trese hopi konosementu di desaroyonan den e sektor aki ku a inspirá i a habri kaminda pa pensamentunan nobo i inovativo. Sra. Fresco komo Presidente den su diskurso a hasi un apelashon na e delegashon Parlamentario pa nan hasi uso dje posibilidatnan ku tin i forma un laso di koperashon ku e instituto sientífiko aki pa asina nos pais por tin e kapasidat di siensia i teknologia pa stimulá inovashon i desaroyo positivo pa ku e konservashon di e rikesanan natural ku nos tin bou di laman rònt di nos islanan. Un dje kosnan ku e Universidat di Wageningen ta hopi versá den dje ta e estudionan ku nan a hasi i e inovashonnan ku nan ta kreando pa ku e mantenshon i konservashon di e koralnan di ref i otro elementonan di e sistema di ekologia marítimo. E konservashon e Pal’i Mangelnan(mangroven) ta algu di vital importansia pa ku e kantidat di piskánan i otro bestianan ku ta importante pa nos sistema ekologia marítimo. E delegashonnan Parlamentario a haña demonstrashon di vários investigashon ku e instituto ta hasiendo na entre otro nos hermana isla Boneiru pa ku e bida bou di laman. E sektor di agrikultura ganaderia i peska tambe ta un sektor ku e universidat ta desaroyando vários modelonan di inovashon pa stimulá produkshon sin krea daño na e ekologia i medio ambiente di pais.

Advertisements
error: Content is protected !!
%d bloggers like this: