Advertisements

Areglo di disputa den Reino i situashon di Venezuela trata durante IPKO

Areglo di disputa den Reino i situashon di Venezuela trata durante IPKO

Djarason dia 30 di mei 2018 mainta e deliberashonnan a sigui den e konferensia IPKO na Den Haag entre e delegashonnan di Parlamentonan di Reino. Un tema ku a hala hopi atenshon ta e trayekto pa yega finalmente na tratamentu di un lei di Reino pa atendé ku disputanan entre Reino i e paisnan di Reino (Geschillenregeling). Den un karta fechá 29 di mei e Sekretario di Estado, sr. Knops, dirigí na e Presidente di Tweede Kamer, e a proyektá un trayekto pa entrega e konsepto di Geschilleregeling fin di aña (2018) pa tratamentu den Tweede Kamer.

E delegashonnan a keda sumamente desapuntá ku e proyekshon aki i a disidí ku mester sali un reakshon mas lihé posibel riba e karta di sr. Knops. E reakshon a bin den forma di un karta di e presidentenan di komishonnan di Hulanda ku a keda sostené pa tur e delegashonnan di e otro paisnan.

Un otro tema hopi interesante tabata e situashon di Venezuela den kual sr. Koopman a duna un presentashon a base di su propio investigashon i opservashonnan na Venezuela. Sr. Koopman ta analista i periodista pa e área Latinoamerikano.

Advertisements
error: Content is protected !!
%d bloggers like this: