Advertisements

SITANAN PA RENOBÁ PASPORT DI DJALUNA AWOR TA KAMBIA BAI 9 DI YÜNI BENIDERO.

SITANAN PA RENOBÁ PASPORT DI DJALUNA AWOR TA KAMBIA BAI 9 DI YÜNI BENIDERO.

Willemstad – Servisio di Asuntunan Públiko (Kranshi) ta anunsiá na tur su klientenan ku tin un sita djaluna, 4 yüni, pa sea traha òf renobá nan pasport ta kambia di fecha. Esaki ta konta pa solamente pasport. E fecha nobo ta bira djasabra, 9 di yüni 2018. Tur sita ta keda na e mesun ora.

Den kuadro di renobashon di e sistema digital relashoná ku atministrashon di pasport Servisio di Asuntunan Públiko di e ministerio di Gobernashon, Planifikshon i Servisio Públiko no por duna e servisio djaluna awor. Téknikonan for di Hulanda ta bini pa hasi e trabounan di renobashon aki. Servisio di Asuntunan Públiko ke pidi e klientenan ku tin sita djaluna indulgensha pa e situashon ku a presentá i ta pidi diskulpa pa kualkier inkumbiniensia. Alabes ta informá ku tur otro servisio ku e ta duna ta sigui normal manera kustumber.
Pa mas informashon por yama Bentana di Informashon na 0800-1515.

Advertisements
error: Content is protected !!
%d bloggers like this: