Advertisements

Posibel Kurasoleño asesiná na Rotterdam

Posibel Kurasoleño asesiná na Rotterdam

Un Kurasoleño probablemente asesiná na Rotterdam, Hulanda djasabra 2 di yüni algu pa 6or di atardi. Un pleitu dilanti di Slijterij 010, situá na Riederlaan den Rotterdam-Hillesluis, parti patras di Kentucky Fried Chicken, a eskalá den e establisimentu na momentu ku un persona a saka un arma di kandela i lòs tiru fatal riba e viktima, un hòmber di 46 aña. Un grupo tabata pleita ku otro den porta di e establisimentu ku ta bende bebida. E personanan a drenta e establisimentu kaminda nan a sigui pleita. Na dado momentu e pleitu a eskalá i un di e personanan a saka un arma di kandela i a lòs tiru dirigí ku e konsekuensia ariba menshoná. Dos agente polisial ku tabata laborá den bisendario a tende e tirunan. Nan a akudí rapido na e sitio i a logra detené un sospechoso (26) na momentu ku e tabata kore sali for di e establisimentu. E viktima a risibí varios herida di bala. Traumahelicopter a keda dirigí ku urgensia na e sitio pero paramedikonan no por a hasi nada mas pa skapa bida di e viktima. E viktima a fayesé na e sitio. Investigashon den e kaso aki ta kontinuá i no ta ekskluí e posibilidat di mas aresto. Pas na alma di e defuntu. Forsa na famianan.

Advertisements
%d bloggers like this: