Advertisements

Orashon djadumingu 3 di yüni 2018

Orashon djadumingu 3 di yüni 2018

‘Riba promé dia di fiesta di pan sin zürdeg, ora ta mata e lamchi pa sena di Pésag, Hesus su disipelnan a puntr’É: ‘Unda Bo ke pa nos bai prepará sena di Pésag pa Bo kome?’ Hesus a manda dos disipel bai i ordená nan: ‘Drenta siudat. Aya boso lo topa un hòmber ku ta karga un tinashi di awa; siguié. Bisa doño di e kas kaminda e drenta: “Maestro ta puntra: unda e kamber kaminda Mi por tene sena di Pésag ku mi disipelnan ta?” E doño di kas lo mustra boso un kamber grandi ariba, mueblá i kla prepará kaba; ei boso mester prepará tur kos pa nos.’ E disipelnan a sali bai drenta e siudat, kaminda nan a haña tur kos manera Hesus a konta nan; nan a prepará sena di Pésag. Miéntras nan tabata kome, Hesus a kohe pan; El a gradisí Dios, kibra e pan i duna su disipelnan. ‘Tuma, esaki ta mi kurpa,’ El a bisa. Despues El a kohe un kopa di biña, yama Dios danki i pasa e kopa pa nan i tur a bebe for di dje. El a bisa: ‘Esaki ta mi sanger, ku ta konfirmá e aliansa; , e sanger ku lo ta dramá pa hopi hende. Mi ta sigurá boso ku lo Mi no bebe biña mas te dia Mi bebe biña nobo den reino di Dios.’ Despues di a kanta himno, nan a sali pa Seru di Oleifi. ‘ Marko 14:12-16,22-26

Advertisements
error: Content is protected !!
%d bloggers like this: