Advertisements

KOMUNIKADO DI KUERPO POLISIAL KÒRSOU Hòmber ta yega kas maltratá.

KOMUNIKADO DI KUERPO POLISIAL KÒRSOU
231 / 2018
2 yüni 2018

Hòmber ta yega kas maltratá.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 2 di yüni 2018, alrededor di 05.31 or di mainta, Sentral di Polis a dirigí un patruya na un kas den área di Soaux West, kaminda tin un persona ku a yega kas maltratá.
For di un investigashon preliminar ku polis a realisá na e sitio e víktima maskulino a deklará ku e tabata na un aktividat den e bario di Bok’e Sami. Na e sitio di aktividat e tabata diskutí ku un grupo di hòmber. Debí na esaki nan a maltrat’é i tira riba dje. E agentenan por a nota ku e tabatin sla rònt su kurpa i e tabata keha di doló. Ambulans ku a presentá na e sitio a transportá e víktima pa poliklínika di SEHOS pa tratamentu médiko.
Investigashon den e kaso ta kontinuá.

 

Advertisements
%d bloggers like this: