Advertisements

Un wikènt komo ‘proefboef’ na JICN

Un wikènt komo ‘proefboef’ na JICN

Kòrsou, 30 di mei 2018
Willemstad – Ministerio di Hustisia Kòrsou den kooperashon ku Justitiële Inrichting Caribisch Nederland (JICN) a partisipá na ‘proefboef JICN 2018’ dia 26 i 27 mei 2018. Tres trahadó di ministerio a partisipá na esaki. Tabata un trahadó di e Organisashon di Maneho, unu di Sentro di Detenshon i Korekshon Kòrsou (SDKK) i unu di Justitiele Jeugdinrichting Curaçao (JJIC – ántes GOG). E partisipashon aki tabata unu hopi satisfaktorio pa nos ministerio kaminda por a eksperensiá e prosesonan pa ku e prizòn nobo na Boneiru i alabes duna un aporte na mehoransa. Tambe ministerio di Hustisia Kòrsou mes a mira di aserka kon un prizòn nobo konforme reglanan internashonal lo funshoná. Diferente senario a tuma lugá, pa asina e maneho di prizòn por tin un idea di e manera ku e prosesonan lo kana na momentu ku e prizòn keda abitá. Ministerio di Hustisia por mira bèk riba un wikènt ku a mustra ku kooperashon ta yuda na kresementu.

 

Advertisements
%d bloggers like this: