Advertisements

Pronóstiko di tempu pa Kòrsou i bisindario bálido te djasabra mainta 06:00 o.l, 2 di yüni 2018.

Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l, 2 di yüni 2018.
Kompilá: 
djabièrnè 1 di yüni 2018, 05:00 o.l. (09:00 UTC)

Tempu: Leve te parsialmente nublá i wer lo ta seku.

Temperatura máksimo lo alkansá 32 ºC i temperatura mínimo 26 ºC.
Solo ta sali 06:10 i ta baha 18:57 o.l.

Bientu: For di un direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). Debesenkuando fuerte te posiblemente duru den ráfaga; forsa 6 te 7 (40 te 61 km/ora, 22 te 33 nudo).

Situashon general: Ta spera ku awe un tempu seku lo kontinuá. Den e próksimo fin di siman sinembargo, un shelu un poko mas faborabel pa formashon di nubia, lo trese kuné un posibilidat chikí pa un desaroyo di áwaseru. Di otro un banda, e fluho di bientu lo bira mas fuerte, tambe durante e wikènt ku ta sigui.

Kondishon di laman: Moderá en general ku altura di ola entre 1  i 2 meter (3 pa 7 pia).

Sistemanan signifikante di wer tropikal: Ningun. Awe, 1 di yüni, temporada di orkan ta kuminsá ofisialmente. Manera ta kustumber, Servisio Meteorológiko Kòrsou lo monitoreá tur disturbio ku por forma menasa pa nos isla i, den kaso ku esei ta nesesario, lo emití atvertensia pa pueblo di Kòrsou. E nòmbernan ku a ser reservá pa e tormentanan tropikal i orkan di e aña aki ta: Alberto, Beryl, Chris, Debby, Ernesto, Florence, Gordon, Hélène, Isaac, Joyce, Kirk, Leslie, Michael, Nadine, Oscar, Patty, Raphael, Sara, Tony, Valerie William.

Fenómeno spesial:Ningun .

Pèrspektiva te djadumingu mainta: Parsial te brevemente hopi nubla ku un poko áwaseru.

Meteorólogo: Figueroa

E próksimo boletin di tempu lo wòrdu publiká djabièrnè 11:00 o.l. (15a:00 UTC).

 

Advertisements
error: Content is protected !!
%d bloggers like this: