Advertisements

NOS SELEKSHON DI DAMA SENIOR TA KEDA NA TERSER PUESTO DURANTE  E CONCACAF CARIBBEAN WOMEN’S QUALIFIER 2018

NOS SELEKSHON DI DAMA SENIOR TA KEDA NA TERSER PUESTO DURANTE  E CONCACAF CARIBBEAN WOMEN’S QUALIFIER 2018!

 

Nos selekshon di dama senior a regresá dianan 28, 29 i 30 di mei último, despues di a keda na di terser puesto durante e CONCACAF Caribbean Woman’s Qualifier 2018. E torneo aki a tuma lugá aya na Antigua & Barbuda di 23 pa 27 di mei último kaminda nos selekshon di dama senior lamentabelmente no a logra klasifiká pa e siguiente buèlta.

Nos selekshon a forma parti di grupo D ku a konsistí di e siguiente paisnan;

 

  1. Antigua & Barbuda
  2. Vincent & The Grenadines
  3. Lucia
  4. Kòrsou

 

Resultado di weganan:

 

  Fecha Resultado Tim di kas Bishitante Lugá
1 23 mei 18 2-1 St. Lucia Kòrsou  Antigua Recreation Ground

(Antigua & Barbuda)

2   1-0 Antigua & Barbuda St. Vin. & The Gren.
3 25 mei 18 1-2 St. Vin. & The Gren. St. Lucia
4   0-3 Kòrsou Antigua & Barbuda
5 27 mei 18 1-0 Kòrsou St. Vin. & The Gren.
6   0-1 St. Lucia Antigua & Barbuda

 

Durante nos promé partido kontra St. Lucia, nos a kai vensí i a pèrdè ku e skor pèrtá di 2 pa 1. Samantha Statia, tabata esun ku a anotá e úniko gol di nos selekshon. Den nos segundo enkuentro kontra e ekipo anfitrion, Antigua & Barbuda, nos a kai chikí i a pèrdè ku e skor di 3-0. E último partido nos a sa di gana St. Vincent 1-0, ku gol di Riesmarly Tokaay.

Ku e resultadonan aki nos a tèrminá na terser puesto ku 3 punto miéntras, Antigua & Barbuda a keda na promé lugá ku 9 punto, St. Lucia na segundo puesto ku 6 punto i St. Vincent na último lugá ku 0 punto. Lamentabelmente nos a kai afó i e ekipo di Antigua & Barbuda a logra klasifiká pa siguiente buèlta.

 Nos selekshon nashonal di dama senior a konsistí di un grupo di 20 hungadó ku a wòrdu dirihí pa Sr. Christopher Jacobus ku tabata e entrenadó di e selekshon aki i Sr. Andreas Aitatus ku tabata e asistente di e entrenadó.

Tambe a biaha huntu ku e selekshon Sra. Christine Davelaar ku tabata esun enkargá ku e materialnan, Sra. Laicam How, masahista di nos selekshon i e hefe di delegashon tabata      Sr. Stanley Coffy, miembro di direktiva di FFK.

Nos selekshon tabata konsistí di e siguiente hungadónan:

 

  1. Kiara Angelino
  2. Angelique Antonio
  3. Nadiely Anzola
  4. Curilma Carolina
  5. Shadé Desir
  6. Stephenie Djaoen
  7. Nuhely Emerenciana
  8. Yasmin Levens
  9. Kadisha Martina
  10. Fresheny Michiel
  11. Ketsiah Nahr
  12. Sterre Noordhoek
  13. Ignarda Pieternella
  14. Lauryn Richardson
  15. Diante Scheepers
  16. Kiara Snel
  17. Samantha Statia
  18. Staygin Stephens
  19. Ruayna Stroop
  20. Riesmarly Tokaay

FFK ta gradisí nos selekshon di dama senior pa e trabou ku nan a hasi aya na Antigua & Barbuda durante e partidonan di e CONCACAF Caribbean Woman’s Qualifier 2018 i alabes ta enkurashá e hóbennan aki pa nan sigui ku e bon trabou p’asina otro bia nos bai pa e título máksimo.

 

Advertisements
%d bloggers like this: