Advertisements

Entrante promé di yüni 2018 mas kontròl riba lèntfel

 

Entrante promé di yüni 2018 mas kontròl riba lèntfel

Entrante promé di yüni 2018 kontròl riba lèntfel lo ta mas estrikto. Ta prohibí persona no outorisá sali ku kualkier tipo di shushi for di tereno di lèntfel Malpais. Tur persona ku drenta tereno di lèntfel Malpais mester sali bèk na momentu ku kaba di depositá nan shushi despues di pasa e proseso di registrashon.

Pa loke ta trata persona ku ta subi tereno di lèntfel pa kolektá heru pa resiklá, solamente un kantidat limitá ta keda outorisá pa dia i e persona mester ta registrá i tambe identifiká tur mainta. Mester mèldu pa registrashon na e kaya di medioambiente i risibí un badge. Un persona sin badge no ta outorisá pa kolektá ningun tipo di material. Personal di seguridat tin e outoridat pa indiká na e persona ku e tin di bandoná e tereno.

Pa motibunan di salubridat i seguridat ningun persona no por sali for di tereno di lèntfel ku ningun tipo di material òf shushi ku a kolektá riba lèntfel. Materialnan di heru pa resiklá por entregá serka e kompania Antillean Metal Scrap (AMS), riba tereno di lèntfel i lo risibí pago pa esaki. E kompania AMS mes lo indiká e suma di plaka ku e persona lo risibí a kambio di e material di heru pa resiklá ku e la entregá. AMS lo hiba tur material ku a keda kolektá pa resiklahe na su fábrika pa eksportá e materialnan akí.

Selikor ta pidi tur usuario di lèntfel pa tuma bon nota di e kambionan akí asina evitá malkomprondementu di forma ku tur kos por kana organisá i strukturá.

Advertisements
error: Content is protected !!
%d bloggers like this: