Advertisements

KOMUNIKADO DI KUERPO POLISIAL KÒRSOU Detenshon pa menasa i maltrato i arma di kandela konfiská.

KOMUNIKADO DI KUERPO POLISIAL KÒRSOU
228 / 2018
31 mei 2018

Detenshon pa menasa i maltrato i arma di kandela konfiská.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 31 mei 2018, alrededor di 09.00 or di mainta, personal di Divishon di Krímen
Organisá den koperashon ku tim di aresto i KMAR a tene un entrada hudisial na un kas den
área di Papaya. E entrada hudisial ta den kuadro di un investigashon penal ku ta andando
relashoná ku un kaso di menasa i maltrato. Riba ordu di Fiskal di Ministerio Publiko a
detené e hòmber, L.A.W., di 19 aña di edat, nasé na Hulanda, komo sospechoso pa
menasa i maltrato.
Den kuadro di informashon enkonekshon ku violashon di Lei di Arma, polis a haña i
konfiská na e kas ariba menshoná:
 un arma di kandela
 algun telefòn
 un ‘holster’ di pistol
A presentá e sospechoso dilanti un Fiskal ouksiliar ku a ordená su enkarselamentu
pendiente di mas investigashon.

Advertisements
%d bloggers like this: