Advertisements

E importansia di Data i su seguridat CHATA a invitá diferente partner pa informá tokante di e prestashon di hotèlnan i kon pa sigurá nos datonan…  / It’s All About Data & Keeping it Safe CHATA Partners provide insight into hotel performance and how to keep our data safe…

E importansia di Data i su seguridat

CHATA a invitá diferente partner pa informá tokante di e prestashon di hotèlnan i kon pa sigurá nos datonan…

 Willemstad, 30 di Mei 2018 – Den tur industria un kompania su kapasidat i balides ta dependé di e montante di informashon ku e kompania aki tin. En konekshon ku esaki CHATA a ekstendé un invitashon na Smith Travel Research (STR) pa duna un presentashon durante e  reunion di membresia riba 30 di Mei 2018. E meta pa ku e invitashon aki tabata pa STR por duna un pronóstiko riba e prestashon di hotèlnan pa e 18 lunanan benidero. Adishonalmente, CHATA a invitá KPMG pa duna mas informashon riba e regulashon nobo ‘General Data Protection’, kual a drenta na vigor 25 di Mei 2018. E reunion aki a tuma lugá na Hilton Curaçao.

Kada kuartal CHATA to organisá un reunion pa tur su miembronan kaminda tur invitado ta haña e oportunidat pa eduká nan mes riba vários tópiko, sera lasonan profeshonal ku otro miembro i tambe kompartí nan eksperensia òf konosementu. E kuartal aki CHATA a invitá STR i KPMG pa informá e públiko tokante di vários tópiko interesante.

Pronóstiko 2018/2019: Prestashon di Industria Hotelero na Kòrsou (STR)

CHATA a invitá STR pa duna un pronóstiko di e prestashon di hotèlnan pa e 18 lunanan benidero. STR ta e fuente primordial ku ta analisá, evaluá i kompará data riba un eskala global. Adishonalmente STR ta analisá tur informashon ku tin di aber ku e merkado di e industria.

E pronóstiko di STR ta basá riba datonan históriko, desaroyonan aktual riba e tereno di aerolineanan ku ta bishitá e destinashon i trèndnan ku tin un influensia riba e industria di hospitalidat. Segun STR, e okupashon di hotèlnan lo no eksperensia un kambio grandi. Nan ta pronostika ku esaki lo ta 68.7%. Kompará ku 2017 esaki ta un bahada di 0.8%. Seguidamente STR ta pronostiká un oumento di 7.6% kual lo resultá na un ADR di $157,-. Esaki lo sòru pa un RevPar di $108,- kual ta un oumento di 7.4% kompará ku 2017.

Prestashon di hotèlnan pa e promé kuartal

Den e promé kuartal di 2018, Kòrsou a registrá un okupashon di 79,1%. Esaki ta un bahada di 2.2% kompará ku 2017. E ADR di e promé kuartal tabata $189 kual ta un oumento di 15.3% kompará ku 2017. E RevPar tambe a registrá un kresementu di $149 kompará ku 2017 esaki ta un oumento di 12.8%.

Si tira un bista riba e region kompletu di Karibe lo por nota ku hotèlnan den Karibe tambe por premirá riba un bahada den okupashon di 0.1%. ADR por spera un subida di 0.6% i ta pronostiká ku RevPar lo oumentá ku 0.5%. Ademas STR ta pronostiká ku e demanda na akomodashon tambe lo subi ku 0.7%

 

GDPR: Protekshon di Data i e Faktor Humano (KPMG)

E protekshon di un kolekshon ekstensivo di dato por ta un responsabilidat bastante grandi i preokupante. 25 di Mei un regulashon nobo a drenta na vigor kual ta basá riba e protekshon di data personal di tur habitante di Oropa. E lei aki ta protehá tur data personal sin eksepshon di unda e data ta wòrdu wardá. Esaki ta nifiká ku kompanianan na Kòrsou ku tin datonan di habitante di Oropa tambe mester mantené nan mes na e lei nobo aki. Durante di nan presentashon KPMG a ofresé sufisiente informashon bálido riba kon e lei aki lo afektá e sektor di Turismo i manera ideal pa prepará bo mes i bo kompania pa e regla nobo aki.

 CHATA Update

CHATA a hasi un enkuesta pa haña un idea di e invershonnan ku lo tuma lugá den e próksimo 18 lunanan. Un total di 16 propiedat a partisipá den e enkuesta aki. Abase di e enkuesta por a konkluí ku miembronan di CHATA den e industria hotelero lo bai invertí un total di 49 mion florin den renovashon i ekspanshon di nan propiedat. E montante aki ta ekskluí renovashonnan aktual ku ta tumando lugá na Marriott Hotel. Di e 49 mion florin ku lo bai wòrdu invertí pa e próksimo 18 lunanan, 42% lo wòrdu invertí den renovashon di kamber di hotel, 7% lo bai pa ekspanshon i 21.4% lo ta pa ámbos renovashon i ekspanshon. E montante di kambernan di hotèl lo subi ku 188 kamber pa e próksimo 18 lunanan. E mayoria di e kambernan lo ta kla pa e temporada di wenter 2018. E rason primordial pa e invershonnan ta pa aktualisá e propiedat i por último pa oumentá e entrada.

Durante di e reunion CHATA a pone tur invitado altanto di proyektonan aktual i presenta resultadonan di e impakto ekonomiko di e sektor di sambuya. CHATA ta konvensí ku e industria di buseo tin un potensial enorme. E invershon di kada sambuyadó pa dia na e deporte ta aproksimadamente $100- pa aña esaki ta nifiká un entrada di $12,410,000 (NAFL 22,089,800). E sambuyadó ta gasta, na un average di $150 pa dia, un total di $14,499,625 na hospedahe- pa aña. Sifranan akumulá den e enkuesta, ta indiká ku e sambuyadó ta gasta aproksimadamente $100 na kuminda i bebida tambe, anualmente esaki ta $12,410,000.  Ora konta e.o lèsnan di buseo, estadia, kuminda i bebida, hür di outo, benta di ekipo ets. i airport tax, ta konkluí ku e industria di buseo ta kontribuí ku aproksimadamente $41,319,914 pa aña na nos ekonomia lokal.

 

Pa mas informashon tokante desaroyonan den sektor di turismo sigui CHATA riba Facebook: https://www.facebook.com/CHATACuracao/

 

================

 

It’s All About Data & Keeping it Safe

CHATA Partners provide insight into hotel performance and how to keep our data safe…

 Willemstad, May 30th, 2018, –  As with other industries, your business is as good as the data you possess. With this in mind CHATA invited Smith Travel Research (STR) to its quarterly member meeting on May 30th to give an insight into the hotel performance for the coming 18 months. In addition to this, CHATA also invited KPMG to give more information on the recent introduction of the General Data Protection regulation that went into effect on May 25th. The meeting took place at CHATA member Hilton Curaçao. 

Every quarter CHATA organizes a member meeting where members get the opportunity to educate themselves on various topics, connect with other members and share their knowledge and experiences. This quarter CHATA invited STR and KPMG to provide an update on various topics.

 Forecast 2018/2019: Curaçao Hotel Industry Overview (STR)

CHATA Invited STR to provide an insight into local and regional hotel performance. STR is the source for premium global data benchmarking, analytics and marketplace insights of the hospitality industry.

 Hotel Performance 1st Quarter 2018

In the first quarter of the year, Curaçao recorded an occupancy of 79.1%. This is a decrease of 2.2% compared to 2017. The ADR in the first quarter was $189. This is an increase of 15.3% compared to 2017. The RevPar also recorded a growth of 12.8% resulting in an ADR of  $149.

 

Hotel Performance Forecast

STR also gave insights into their forecast of Hotel Performance for 2018. The forecast of STR is based on historical performance data, current developments such as the additional airlift in the destination and current trends that are of influence on the hospitality industry. According to STR, hotel occupancy in Curaçao will remain flat by the end of 2018 with 68.7%. This is a slight decrease of 0.8% in comparison to 2017. Furthermore, STR predicts an increase in ADR of 7.6% resulting in an ADR of $157,-. This leaves us with a RevPar of $108,- which is an increase of 7.4% in comparison to 2017.

When you look to the Caribbean as a region you will notice that the hotels in the Caribbean are also expected to have a slight decrease in occupancy of 0.1%. ADR is expected to grow with 0.6% and RevPar is expected to increase by 0.5%. Furthermore, STR also expects demand for accommodation in the region to increase by 0.7%.

 

GDPR: Data Protection & The Human Factor (KPMG)

With the collection of data comes big responsibility, the protection thereof. On May 25th a new data protection regulation came into effect for the protection of personal data of all European Union citizens named the General Data Protection Regulation (GDPR). This new regulation protects the data of European citizens regardless of where the data is being stored. Meaning that business on Curaçao storing data from European Union citizens also have to comply to this regulation. In their presentation KMPG provided an overview of how this regulation affects the local tourism industry and how to adequately prepare ourselves.

CHATA Update

CHATA did a survey to gain insight into the hotel investments that are planned for the upcoming 18 months. In total 16 CHATA properties participated in the survey that CHATA conducted. In total the hotels are investing 49 million guilders in renovations and expansion of their property in the coming 18 months. This amount is excluding the current renovations taking place at the Marriott Hotel. Of the 49 million guilders that will be invested in the next 18 months, 42% will be invested in renovations of hotel rooms, 7% in expansion and 21.4% in both expansion and renovation.  Our hotel room supply will increase with 188 rooms in the next 18 months. The majority of these rooms will be ready in time for the Winter season 2018. The main reason for investing is to refresh their property and ultimately increase revenue.

Furthermore, CHATA also gave an update on current projects and the impact of the dive sector in the destination.  CHATA is convinced that the diving industry has great potential. The daily investment of every diver is about $ 100. This means that the sector generates approximately $ 12,410,000 (NAFL 22,089,800) annually. The diver spends an average of $ 150 daily on accommodation, leading up to $14,499,625 yearly. Figures collected indicate that the diver spends about $ 100 on food and beverage; another $ 12,410,000 annually. When diving lessons, accommodation, food and beverage, car rental, the sale of equipment and airport tax are added together, we concluded that the diving industry contributes with approximately $ 41,319,914 annually to the local economy.

For more information on developments within the tourism sector please follow CHATA on www.facebook.com/ChataCuracao

 

Advertisements
%d bloggers like this: