Advertisements

Reunion di Komishon Sentral pidi pa MFK I KDNT

Na: Presidente di Parlamento
sr. W. Millerson
Wilhelminaplein
Presente

Willemstad, 25 di Mei 2018

 

 

Apresiabel sr. presidente,

 

 

Risibí konforme art. 33 di Reglamentu di órden, petishon pa un reunion di komishon sentral, ku e punto di agènda:

 

Interkambio ku Bestuur di Feffik, Representante di trahadornan di Feffik, Representante di studiantenan di Feffik, riba e desishon di Gobièrnu di Kòrsou pa sera FEFFIK i su konsekuensianan pa e tipo di enseñansa di fishi.

 

Tambe strobamentu di muchanan pa studia den regio, espesialmente esunan ku a kuminsá kaba ku High school i ta kabando esaki i kier sigui studia. Nos kier interkambia ku representante di mayornan di studiantenan aki.

 

Enseñansa di fishi ta hopi importante pa desaroyo di nos Pais. Nos no por pèrmití pa tòrnu na esaki, sin mas.

 

Mirando e último akontesimentunan rondó di e instituto FEFFIK i e problema di algun studiante den regio i en preparashon pa yama un reunion publiko ku minister di OWCS sra. Alcalá Wallé, nos kier pidi bo pa konvoká e reunion aki di komishon Sentral, ku karakter di urgensia.

 

Pa e reunion aki nos ke pidi bo pa aserká minister di OWCS sra. Alcalá-Wallé, pa manda pa Parlamento di Kòrsou TUR e dokumentashon relevante ku a pone ku gobièrnu di Kòrsou a tuma e desishonnan aki.

 

Nos ta keda en espera di e konvokashon di e reunion aki manera ya menshoná ku karakter di urgensia,

 

Atentamente

 

 

 

____________________                    ___________________

Gilmar Pisas                                        M. Dos Santos

Lider Frakshon MFK (a.i.)                    Lider Frakshon KDNT

 

 

 

 

____________________                    __________________

Gilbert Doran                                       Charles Cooper

Frakshon MFK                                     Frakshon MFK

 

Advertisements
error: Content is protected !!
%d bloggers like this: