Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

FFK DEN KOLABORASHON KU  CONCACAF TA ORGANISÁ KURSO PA C-LICENSE DI 7-14 DI YÜNI PRÓKSIMO!

FFK DEN KOLABORASHON KU  CONCACAF TA

ORGANISÁ KURSO PA

C-LICENSE DI 7-14 DI YÜNI PRÓKSIMO!

 

 

Den luna di yüni 2018 ta bai  tin un ‘C-licence course’ di FFK den kolaborashon ku CONCACAF komo parti di nan programa di edukashon pa lisensia di entrenadó nan den region di CONCACAF.

E oportunidat aki ta duna e entrenadó nan  ku ta aktivo den un organisashon di futbòl yega na un lisensia ku por train tantu junior/senior rekonosé dor di FFK i CONCACAF.

E kurso lo ta kompletamente na papiamentu duná pa instruktornan lokal ku a pasa den e proseso di edukashon serka un instruktor lisensiá di FIFA i CONCACAF.

E kurso lo ta di 7 te ku 14 di yüni 2018. E orario den siman lo ta di 17.30-22.00pm miéntras djasabra ku djadumingu ta di 10:00am-16:00pm. E parti teorétiko ta tuma lugá den sala Richard Th. Curiel na FFK.

Entrenadó nan ku ta aktivo i ku tin un diploma di D-license por inskribí na e kurso di C-License 2018.

Aki algun eksigensia pa partisipá na e C-License 2018:

  • Mínimo 18 aña
  • Mester entrega un kopia di bo diploma di D-license di aña 2015, 2016 òf 2017
  • Mester ta aktivo komo entrenadó den un organisashon di futbòl.
  • Mester menshoná kua tim bo ta train aktualmente i den kua organisashon.
  • Mester indiká kua ta e dianan i orarionan ku bo ta train e tim. (Esaki en konekshon ku bishita di instruktor nan na un sekshon di training)

Pa inskripshon por manda un mail na real_poppetje1984@hotmail.com, òf por tuma kontakto ku FFK na e siguiente numbernan; 7365040/7365042 i puntra pa Nadine Carolina.

Inskripshon ta sera djaweps 31 di mei 2018.

Advertisements
error: Content is protected !!
%d bloggers like this: