Advertisements

TalitaKum Praise Dancers ta risibí “pen” komo e Bon Yu di Kòrsou

TalitaKum Praise Dancers ta risibí “pen” komo e Bon Yu di Kòrsou

WILLEMSTAD – Resientemente Minister di Enseñansa, Siensia, Kultura i Deporte, sra. Marilyn Alcalá-Wallé a rekonosé e prestashonan dinámiko di e grupo di baile kristian TalitaKum Praise Dancers.

E grupo aki ta konsistí di 10 hóben ku ta dediká parti di nan tempu liber na adorashon di e Ser Supremo, den forma di baile. E hóbennan ta krea nan propio pasonan di baile. Nan ta duna presentashon na diferente misa komo ofrenda òf pa trese e mensahe di Dios dilanti. Tambe TalitaKum Praise Dancers ta duna presentashon na konsiertonan spiritual, skolnan, instansianan, kas di grandinan.

Banda di presentashon di baile, tambe nan ta hasi drama na diferente fiestanan di parokia i trabounan boluntario. TalitaKum Praise Dancers a kompartí nan eksperensia i motivashon ku Minister Marilyn Alcalá-Wallé. E hóbennan a keda kontentu di risibí nan “pen” di nos bandera komo símbolo di e Bon Yu di Kòrsou.

Na nòmber di Gobièrnu di Kòrsou, Minister Marilyn Alcalá-Wallé a gradisí i felisitá e hóbennan pa nan tremendo trabou ku ta kontribuí na edifikashon di nos komunidat. Ku esaki Minister Marilyn Alcalá-Wallé ta demonstrá ku tin hóbennan positivo riba nos pais. Ta responsabilidat pa huntu, nos rekonosé i enkurashá hóbennan pa sigui riba e bon kaminda, speshalmente pa nan keda fungi komo ehèmpel positivo pa otro.



Advertisements
error: Content is protected !!
%d bloggers like this: