Advertisements

DEPARTAMENTU DI ARBITRAHE KU TREMENDO KURSO DI ARBITRAHE! INISIO DI E KURSO LO TA 24 DI MEI 2018!

DEPARTAMENTU DI ARBITRAHE KU TREMENDO KURSO DI ARBITRAHE! INISIO DI E KURSO LO TA 24 DI MEI 2018!

 Departamentu di arbitrahe di FFK ta bai organisá su di dos kurso di arbitrahe pa e aña aki. Despues di e promé kurso básiko di aña aki ku a resultá di ta un éksito, awor ta bai organisá e di dos kurso básiko pa tur hende muhé i hòmber di 14 aña òf mas, pa dirigí entre otro weganan di sekshon hubenil ku ta e kategorianan di U-11 te ku U-20 i tambe partidonan di Liga MCB Terser Divishon.

Departamentu di arbitrahe kier a enkurashá spesialmente nos hende muhénan pa partisipá na e kurso aki debí ku no tin asina tantu hende muhé ku ta arbitro. FIFA ta stipulá ku partidonan di dama mester keda dirihí pa rèfrinan femenino. Pues un yamada ta bai na tur dama pa bin duna un man i amplia nos kuerpo di arbitrahe.
E kurso lo inisiá djaweps, 24 di mei próksimo i lo finalisá 12 di yüli 2018 ku un èksamen.
E kurso aki lo tuma lugá na Edifisio Mordy Maduro (FFK) i e orario lo ta di 18.00 PM pa 20.00 PM riba tur djamars i djaweps. Ora kompletá e kurso aki ku éksito, lo risibí un diploma.

Pa inskripshon por tuma kontakto ku departamentu di arbitrahe na referee@ffk.cw òf via di telefòn nan 7365057, 5112915, 5128617, 5202587. Por inskribí te ku dia 24 di mei.
Pa abo ku ta un hóben dinámiko ku outoridat i ku ambishon pa bira rèfri, esaki ta bo oportunidat!

Inskribí awe mes, departamentu di arbitrahe i FFK ta warda bo!

 



Advertisements
error: Content is protected !!
%d bloggers like this: