Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

REUNION ENTRE PROMÉ MINISTER RHUGGENAATH I CONOCOPHILLIPS TA HABRI DIALOGO PA PERKURA PA SUMINISTRO DI KOMBUSTIBEL I OPERASHON DI REFINERIA

REUNION ENTRE PROMÉ MINISTER RHUGGENAATH I CONOCOPHILLIPS TA HABRI DIALOGO PA PERKURA PA SUMINISTRO DI KOMBUSTIBEL I OPERASHON DI REFINERIA

Willemstad – Promé Minister Rhuggenaath, durante reunion awe mainta ku ConocoPhillips, a pone bon kla dilanti ku pa gobièrnu di Kòrsou bienestar di nos pueblo ta na promé lugá. Pa e motibu aki tambe e diálogo kumbiní ta intenshoná pa pèrkurá ku Kòrsou ta keda ku suministro di produktonan derivá di petroli. Mes importante ta tambe ku nos refineria por sigui operá a fin ku no ta peligrá e kuponan di trabou i pa nos hendenan ku ta depende di nos refineria pa nan pan di kada dia. Pa e motibu aki mesora a aserka Curoil i Refineria di Kòrsou pa drenta den kontakto ku e representantenan di ConocoPhillips pa asina kontinuá ku e kombersashonnan inisiá pa Promé Minister Rhuggenaath.

E kombersashon ku ConocoPhillips ta parti di esfuersonan inkansabel realisá pa mitigá efektonan di e ponementu di beslag dor di ConocoPhillips riba fondo i propiedat di PDVSA na Kòrsou. A inisiá e kontakto ku ConocoPhillips rápidamente despues ku e beslagnan aki a keda pone i a inventarisá posibel konsekuensianan. Gobièrnu di Kòrsou no ta spar ningun esfuerso i ta traha na un forma diligente riba limitá konsekuensianan di e situashon ku a presentá riba nos komunidat.

Apesar ku konklushon di huisio sumario entamá pa Curoil, Aqualectra, Refineria di Kòrsou i Gobiernu di Kòrsou ta pendiente desishon di wes djaluna próksimo, Promé Minister Rhuggenaath a urgi partidonan pa hasi uso di e espasio aki pa trata na yega na solushon kominiente pa tur partido envolví, poniendo interes di Kòrsou dilanti.

Advertisements
error: Content is protected !!
%d bloggers like this: