Advertisements

Orashon djarason 16 di mei 2018

Orashon djarason 16 di mei 2018

‘Kuida boso kurpa i henter e trupa di karné ku Spiritu Santu a pone na boso enkargo. Sea wardadó di iglesia di Dios, e iglesia ku El a gana pa E mes, pa medio di su mes sanger. Mi sa ku despues ku mi no t’ei mas, lobo feros lo bini meimei di boso i nan lo no spar e trupa di karné! For di boso mes grupo lo lanta hende ku ta trose bèrdat pa haña e disipelnan nan tras. P’esei sea alerta i sigui kòrda kon, ku awa na wowo, pa tres aña largu di dia i anochi ami a siña kada un di boso. I awor mi ta entregá boso den man di Dios i su mensahe bondadoso; e mensahe ku por yuda boso krese i duna boso tur e benefisionan ku Dios tin wardá pa esnan ku ta pertenesé n’E. Nunka mi no a deseá oro, plata ni paña di niun hende. Boso mes sa kon ku mi mes man mi tabata proveé pa mi nesesidatnan i nesesidatnan di mi kompañeronan. Den tur kos mi a mustra boso ku pa medio di e tipo di trabou duru akí nos mester yuda esnan ku ta suak i no lubidá e siguiente palabranan ku Señor Hesus mes a bisa: “Duna ta hasi hende mas felis ku risibí!” ’ Ora Pablo a kaba, el a hinka rudia i a resa huntu ku nan tur. Tur hende a kuminsá yora. Nan a basha bai riba Pablo, bras’é i sunch’e. Loke a hasi nan mas tristu tabata ku el a bisa ku nan lo no mira su kara mas. Despues nan a kompañ’é hib’é barku.’

Echonan 20:28-38

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: