Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Ministerio di Salú, Medio Ambiente i Naturalesa ta informá ku…. DIA MUNDIAL DI HYPERTENSHON TA PARA KETU NA KONOSE BO NUMBERNAN PASO PRESHON HALTU TA UN ENEMIGO SILENSIOSO

Ministerio di Salú, Medio Ambiente i Naturalesa ta informá ku….

DIA MUNDIAL DI HYPERTENSHON TA PARA KETU NA KONOSE BO NUMBERNAN PASO PRESHON HALTU TA UN ENEMIGO SILENSIOSO

Willemstad – Tur aña riba 17 di mei WHL ta selebrá Dia Mundial di Hypertenshon mihó konosí komo preshon. Meta di e dia ta pa dediká atenshon, pa konsientisá i eduká mundu hinter riba kiko ta preshon i e konsekuensianan ku e por tin pa bo salú. E tema di e aña aki ta “Konosé bo Numbernan” pues laga kue bo preshon pa bo sa si e ta bon òf e ta haltu. E dia a keda organisá pa ‘World Hypertension League’ (WHL) na kual 85 organisashon mundial ta afiliá.

Preshon haltu ta kousa mayó di hopi problema di salú i por hasta kondusí na atake selebral òf di kurason. E por afektá bo nirnan i den sierto kaso e ta kondusí hasta na demensia. Preshon haltu ta un enemigu silensioso paso si bo no kue bo preshon, no ta sa ku bo ten’é te na momentu ku bo haña un atake. P’esei ta importante pa bo laga kontrolá bo preshon.

For di e enkuesta nashonal ku Volkgezondheid Instituut Curacao (VIC) di Ministerio di Salú, Medio Ambiente i Naturalesa a hasi na 2017 ta indiká ku 21% di e personanan ta sufri di preshon haltu na Kòrsou, kual ta 19% bou di hende hòmber i 23% bou di e hende muhé. Tambe a keda publiká ku 2% a indiká ku nan ta sufri di problema króniko di kurason (3% hende hòmber/ 2% hende muhé) miéntras ku 2% a indiká ku nan tin problema ku nir (2% hende hòmber/ 2% hende muhé).

Konosé bo numbernan ta enserá sa ki number di preshon di sanger bo tin, e nivel di glucose den bo sanger i e índise di bo kurpa konosí komo “body mass index”. Kon bo por evitá di tin preshon haltu? Dor di kuida bo peso komiendo salú i balansá, baha man na salu òf evitá salu mes den bo alimento i hopi importante ta hasi moveshon riba un base regular. Otro faktor importante ta minimalisá strès i drumi sufisiente. Pa personanan ku tin preshon kontrolá esaki regularmente i si bo tin remedi di preshon, usa esaki estriktamente segun preskripshon di bo dòkter. Preshon no ta kos di hasi wega kuné ta un enemigu silensioso!

Riba potrèt, midimentu di preshon.
Riba potrèt, kome salú i balansá ta bon pa preshon.
Riba potrèt, faktornan ku tin influensha riba bo preshon.



Advertisements
error: Content is protected !!
%d bloggers like this: