Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Ampliashon di Makutu Básiko ku “kolf apparaat” ( pa saka lechi di pechu)

Na minister di Desaroyo Ekonómiko i Turismo
Steven Martina
Pletterijweg 43
Presente

Willemstad, 15 di mei 2018

Tópiko: Ampliashon di Makutu Básiko ku “kolf apparaat” ( pa saka lechi di pechu)

Apresiabel Minister señor Steven Martina,

Manera ta sientífikamente probá lechi di pechu ta e mihó alimento pa un yu su promé añanan di bida. Un di e bentahanan di mas grandi ta ku e ta grátis. Banda di e bentahanan aki tin otro bentanan grandi. Muchanan ta bira ménos malu, e por evitá obesitas, muchanan por presta mihó na skol despues i muchanan ta krese mas saludabel.

Sin embargo, no ta tur momentu un mama ku ta duna su yu lechi na pechu por hasi esaki al instante. Na algun okashon e ta hañ’é ta huza un aparato pa saka e lechi i duna su yu e lechi despues. Un kolf apparaat ta un artefakto esensial pa un mama ku ta duna su yu lechi na pechu. Sin embargo, e artefakto aki no ta den e Makutu Básiko siendo ku lechi di puiru ( pa beibi) si ta den Makutu Básiko.

Den e kuadro aki nos tin algun pregunta pa minister.

  1. Minister tambe ta kompartí nos opinion ku lechi di pechu ta e mihó kuminda pa un yu su promé añanan di bida?

  2. Minister ta konsiente ku un mama ku ta duna su yu lechi di pechu, por hañ’é ta huza un kolf apparaat?

  3. Minister tambe ta kompartí nos opinion ku, a base di e echo ku lechi di puiru ( pa beibi) ta den “Makutu Básiko”, ku e artefakto ku ta keda huza pa saka lechi for di pechu, tambe mester ta den e Makutu Básiko?

  4. Minister por bisa Parlamento ku minister ta hasi tur posibel segun prosedura i reglanan vigente pa hinka e kolf apparaat tambe den e Makutu Básiko?

Nos ta keda pendiente di un kontesta rápido di Minister riba nos preguntanan.

Elsa Rozendal
Parlamentario pa frakshon di MAN den Parlamento



Advertisements
error: Content is protected !!
%d bloggers like this: