Advertisements

TREMENDO APERTURA DI FUTBÒL DI DAMA KATEGORIA SENIOR! DJADUMINGU 15 DI APREL NA STADION DI SUBT!

TREMENDO APERTURA DI FUTBÒL DI DAMA KATEGORIA SENIOR!

DJADUMINGU 15 DI APREL NA STADION DI SUBT!

 

 

Awe, djadumingu 15 di aprel e gran apertura di Kampionato pa Dama kategoria senior a tuma lugá na tereno Dr. Antoine Maduro ku 2 partido. E kampionato di Dama tabata planiá pa kuminsá dia 8 di mart último, dia internashonal di hende muhé, pero e partido ei a redundá den un partido amistoso i awor si, e kampionato a kuminsá!

E promé partido tabata entre Subt i Vesta pa 4’or di atardi miéntras, durante e di 2 partido Hubentut Fortuna a topa e ekipo di Inter Willemstad pa mitar di 6 di atardi. Esaki, despues ku e Komishon di Dama a opta pa hasi algun kambio na e skema i e orario di e partidonan di gran apertura aki a petishon di e klup nan.

E promé partido entre Vesta ku Subt a terminá na un empate di 1 gol i den e di 2 partido Hubentut Fortuna a gana ku e skor di 2-0 di Inter Willemstad.

 

E Kampionato di Dama kategoria senior lo tuma lugá riba 6 djadumingu ku 2 partido na tereno di FFK. E promé partido lo ta mitar di 3 di atardi miéntras e di 2 partido lo kuminsá 4’or di atardi. E partidonan tin un durashon di 35 minüt pa banda ku un pousa di 10 minüt.

E kampionato ta hunga ku 2 buèlta i e gran final ta planiá pa tuma lugá dia 17 di yüni próksimo.

E kampionato di dama kategoria senior lo konta ku total 4 ekipo, esaki nan ta:

  1. Hubentut Fortuna
  2. Subt
  3. Vesta
  4. Inter Willemstad

 

Skema di próksimo partidonan:

 

Djadumingu  6 mei 18        14.30 Vesta vs Hub. Fortuna  FFK
           16.00 Willemstad vs Subt  FFK

 

Pa abo dama ku ke práktika futbòl, bishitá nos página di Facebook; Curacao Woman Football òf Federashon Futbòl Kòrsou i haña tur informashon tokante e ekiponan di dama ku tin aktualmente.

 

Un invitashon ta bai na henter e pueblo di Kòrsou pa bin disfrutá di bo deporte prefrí i mira kiko tur nos dama nan tin aden!

 

Kòrda ku entrada ta kompletamente grátis!

FFK ta warda bo!

Advertisements

Skibi bo komentario / Opinion

%d bloggers like this: